19:47
सिंधुदुर्ग जिल्ह्याच्या शैक्षणिक क्षेत्रात सध्या एक अस्वस्थ करणारा, विरोधाभासी चित्रपट पाहायला मिळत आहे. जिल्ह्याची ओळख एकेकाळी दर्जेदार शिक्षणाचा केंद्रबिंदू म्हणून होती; पण आज त्याच सिंधुदुर्गात 'शाळा आहेत, शिक्षक आहेत... पण विद्यार्थीच गायब होत आहेत!' पटसंख्या घटल्याने जिल्ह्यातील शेकडो शाळा बंद पडण्याच्या उंबरठ्यावर उभ्या आहेत. नुकतीच २८० नवीन प्राथमिक शिक्षकांची भरती झाल्याने प्रशासकीय स्तरावर शिक्षकांची सोय तर झाली, पण 'वर्ग रिकामे अन् शिक्षक जास्त' अशी विदारक स्थिती निर्माण झाली आहे. शिक्षकांचे महत्त्व सांगणारा 'शिक्षक दिन' साजरा होत असतानाच, सिंधुदुर्गातील या भीषण शैक्षणिक वास्तवतेवर सखोल नजर टाकणारा हा विशेष रिपोर्ट.
