LIVE UPDATES

कुडाळमध्ये शनिवारी एमपीएससी स्पर्धा परीक्षा विशेष मार्गदर्शन कार्यशाळा

आमदार निलेश राणे यांचा पुढाकार; १६ हजार ७१७ पदांच्या भरती प्रक्रियेबाबत मिळणार अचूक मार्गदर्शन
Edited by: कोकणसाद LIVE NEWS नेटवर्क
Published on: November 19, 2026 04:49 PM
views 41  views

कुडाळ : महाराष्ट्र लोकसेवा आयोगाच्या (MPSC) माध्यमातून शासकीय सेवेत प्रवेश करण्याची आकांक्षा बाळगणाऱ्या सिंधुदुर्ग जिल्ह्यातील युवक-युवतींना परीक्षेची दिशा, तयारीचे तंत्र आणि यशाचा मार्ग समजावून देण्यासाठी कुडाळ-मालवण विधानसभा मतदारसंघाचे आमदार निलेश राणे यांच्या पुढाकारातून विशेष मार्गदर्शन कार्यशाळेचे आयोजन करण्यात आले आहे.

महाराष्ट्र लोकसेवा आयोगाच्या महाराष्ट्र गट-क सेवा संयुक्त पूर्व परीक्षा २०२६ अंतर्गत विविध संवर्गांतील तब्बल १६ हजार ७१७ पदांसाठी भरती प्रक्रिया जाहीर करण्यात आली आहे. शासकीय सेवेत स्वतःचे स्थान निर्माण करू इच्छिणाऱ्या हजारो उमेदवारांसाठी ही मोठी संधी मानली जात आहे. मात्र, स्पर्धेच्या या प्रवासात योग्य नियोजन, अभ्यासाची दिशा आणि परीक्षेच्या स्वरूपाची अचूक माहिती असणे तितकेच महत्त्वाचे आहे. याच बाबींचा विचार करून विद्यार्थ्यांना मार्गदर्शनाचे व्यासपीठ उपलब्ध करून देण्याचा हा उपक्रम हाती घेण्यात आला आहे.

ही विशेष मार्गदर्शन कार्यशाळा शनिवारी २१ नोव्हेंबर २०२६ रोजी सकाळी ११ वाजता कुडाळ येथील मराठा समाज हॉलमध्ये (कुडाळ हायस्कूलजवळ) आयोजित करण्यात आली आहे. विशेष म्हणजे, MPSC मार्फत जाहीर झालेल्या या भरतीसाठी ऑनलाइन अर्ज करण्याची अंतिम मुदत २७ नोव्हेंबर २०२६ आहे. त्यामुळे इच्छुक उमेदवारांनी अर्ज प्रक्रियेची मुदत लक्षात घेऊन आवश्यक ती कार्यवाही वेळेत पूर्ण करणे गरजेचे आहे.

ग्रामीण भागातील, दुर्गम वाड्यावस्त्यांमधील तसेच जिल्ह्याच्या कानाकोपऱ्यातील विद्यार्थ्यांनाही स्पर्धा परीक्षेच्या प्रवाहात सहभागी होता यावे, त्यांना योग्य मार्गदर्शन मिळावे आणि अधिकारी होण्याच्या स्वप्नांना वास्तवाचे पंख लाभावेत, हा या कार्यशाळेमागील प्रमुख हेतू आहे.

स्पर्धा परीक्षेतील यश हे केवळ अभ्यासाच्या तासांवर नव्हे, तर योग्य नियोजन, सातत्य, आत्मविश्वास आणि अचूक मार्गदर्शनावरही अवलंबून असते. त्यामुळे या कार्यशाळेच्या माध्यमातून विद्यार्थ्यांना परीक्षेचे स्वरूप समजून घेण्याची आणि तयारीला योग्य दिशा देण्याची संधी उपलब्ध होणार आहे.

स्वप्न अधिकारी होण्याचे असेल, तर तयारीला योग्य दिशा मिळणेही आवश्यक आहे! या भावनेतून आयोजित करण्यात आलेल्या या कार्यशाळेला जिल्ह्यातील जास्तीत जास्त MPSC इच्छुक उमेदवारांनी उपस्थित राहावे, तसेच आपल्या परिसरातील स्पर्धा परीक्षेची तयारी करणाऱ्या विद्यार्थ्यांपर्यंत या उपक्रमाची माहिती पोहोचवावी, असे आवाहन करण्यात आले आहे.


ताजी बातमी

View all

Sindhudurg District Administration officers pay floral tribute to former Prime Minister Indira Gandhi on her birth anniversary.
दिवंगत पंतप्रधान इंदिरा गांधी यांच्या जयंतीनिमित्त अभिवादन
November 19, 2026
शनिवारी सावंतवाडी येथील श्री विठ्ठल मंदिरात कार्तिक महा एकादशी
November 19, 2026
Jijau Foundation distributes free notebooks to students in seven schools in Dodamarg, Sindhudurg.
Jijau Foundation : जिल्ह्यात निलेश सांबरे यांच्या माध्यमातून ५ लाख वह्यांचे होणार वाटप
November 19, 2026
Doctors at Government Medical College and Hospital Sindhudurg perform successful thyroid goitre surgery on a 39-year-old woman.
Thyroid Surgery : शासकीय वैद्यकीय महाविद्यालयात थायरॉईड ग्रंथीच्या मोठ्या गलगंडावर यशस्वी शस्त्रक्रिया
November 19, 2026
संबंधित बातम्या

View all

Imperative Business Ventures announces over 2,000 job vacancies in Thane and Pune for freshers and experienced candidates.
Recruitment 2026 : इम्पेरेटिव्ह बिझनेस व्हेंचर्सतर्फे ठाणे, पुणे येथे मेगा भरती
November 17, 2026
120 new teacher and staff posts approved for Ratnagiri Zilla Parishad schools
Ratnagiri ZP Teacher Recruitment : दिव्यांग विद्यार्थ्यांसाठी जिल्हा परिषद शाळांंमध्ये १२० शिक्षक पदांना मंजुरी
November 16, 2026
#kokansadlive#news update#konkan update# breaking news#
महसूल सेवक (कोतवाल) पदभरतीची परीक्षा पुढे ढकलली
November 13, 2026
#kokansadlive#news update#konkan update# breaking news#
Central Railway Apprentice recruitment 2026 : मध्य रेल्वेत 2861 अप्रेंटिस पदांची मेगा भरती
November 12, 2026