LIVE UPDATES

देवगडमध्ये यंदा होणार दशावतार नाट्य महोत्सव

पारंपरिक दशावतार मंडळांना ५० टक्के सहभाग व वाटा देण्याची मागणी मान्य; कलाकारांमध्ये उत्साहाचे वातावरण
Edited by: कोकणसाद LIVE NEWS नेटवर्क
Published on: November 17, 2026 01:13 PM
views 75  views

देवगड : कोकणच्या सांस्कृतिक वैभवाचे प्रतीक असलेल्या पारंपरिक दशावतार कलेला प्रोत्साहन देण्यासाठी यंदाचा दशावतार नाट्य महोत्सव देवगड येथे आयोजित करण्याच्या हालचालींना वेग आला आहे. महाराष्ट्र शासनाच्या सांस्कृतिक कार्य संचालनालयामार्फत आयोजित करण्यात येणाऱ्या या महोत्सवासाठी देवगडची निवड करण्याच्या मागणीला सकारात्मक प्रतिसाद मिळाला आहे. विशेष म्हणजे, महोत्सवात पारंपरिक दशावतार मंडळांना ५० टक्के सहभाग व वाटा देण्याची मागणीही मान्य करण्यात आली आहे.

मूळ नऊ पारंपरिक दशावतार मंडळ शिखर संघाच्या पदाधिकाऱ्यांनी मुंबई येथे सांस्कृतिक कार्य संचालनालयाचे संचालक प्रशांत खेडेकर यांची सदिच्छा भेट घेतली. या भेटीदरम्यान दशावतार कलेचे जतन, संवर्धन, कलाकारांचे प्रश्न आणि या कलेच्या भविष्यातील वाटचालीबाबत सविस्तर चर्चा करण्यात आली.

यावेळी सांस्कृतिक कार्य संचालनालयामार्फत आयोजित होणारा यंदाचा दशावतार नाट्य महोत्सव देवगड येथे आयोजित करावा, अशी मागणी पदाधिकाऱ्यांनी केली. देवगडला लाभलेला पर्यटनाचा वारसा आणि दशावतार कलेशी असलेले कोकणचे सांस्कृतिक नाते लक्षात घेता येथे महोत्सवाचे आयोजन व्हावे, अशी भूमिका मांडण्यात आली. त्याचबरोबर महोत्सवाच्या आयोजनामध्ये पारंपरिक दशावतार मंडळांना ५० टक्के सहभाग व वाटा मिळावा, अशी मागणीही करण्यात आली.

संचालक प्रशांत खेडेकर आणि उपसंचालक संदीप बलखंडे यांनी या दोन्ही मागण्यांना सकारात्मक प्रतिसाद देत मान्यता दिली. त्यामुळे यंदाचा दशावतार नाट्य महोत्सव देवगडमध्ये आयोजित होण्याचा मार्ग सुकर झाला आहे. पारंपरिक दशावतार मंडळांच्या सहभागाबाबत घेतलेल्या निर्णयामुळे मंडळांचे मालक, पदाधिकारी आणि कलाकारांमध्ये समाधान व्यक्त होत आहे.

बैठकीत दशावतार मंडळांना भेडसावणाऱ्या आर्थिक अडचणी, कलाकारांचे हक्क, मंडळांच्या समस्या तसेच या पारंपरिक लोककलेचे मूळ स्वरूप टिकवून ठेवण्यासाठी आवश्यक असलेल्या उपाययोजनांवरही चर्चा झाली. दशावतार ही केवळ मनोरंजनाची कला नसून कोकणच्या सांस्कृतिक आणि धार्मिक परंपरेचा अविभाज्य भाग आहे. त्यामुळे या कलेच्या संवर्धनासाठी शासनाने आवश्यक ते सहकार्य करावे, अशी अपेक्षा पदाधिकाऱ्यांनी व्यक्त केली.

या भेटीप्रसंगी मूळ नऊ पारंपरिक दशावतार मंडळ शिखर संघाचे अध्यक्ष सुधाकर दळवी, सचिव सौरभ पाटकर आणि कार्यकारिणी सदस्य बाबा मेस्त्री उपस्थित होते. पारंपरिक दशावतार मंडळांना महोत्सवात ५० टक्के सहभागाची संधी मिळणार असल्याने या कलेशी संबंधित कलाकारांना हक्काचे व्यासपीठ उपलब्ध होण्यास मदत होणार आहे. देवगड येथे महोत्सवाचे आयोजन झाल्यास स्थानिक पर्यटनालाही चालना मिळण्याबरोबरच दशावतार कलेचा समृद्ध वारसा नव्या पिढीपर्यंत पोहोचण्यास हातभार लागणार आहे.


ताजी बातमी

View all

मालवणच्या आनंदव्हाळ-भोसलेवाडीत नळपाणी योजनेच्या कामानंतर उघडे चर
November 17, 2026
Bhuvanesh Malkar from Karivade village in Sawantwadi, who worked as a Prep Artist on the Ramayana and Toxic films through DNEG.
Ramayana Movie : 'रामायण’च्या भव्य निर्मितीत सावंतवाडीच्या सुपुत्राची झेप
November 17, 2026
सिंधुदुर्गात '१७ मराठा रुईवा परिवाराचा' ६४ वा रेजिंग डे उत्साहात साजरा
November 17, 2026
Nitesh Rane Meets Deepak Kapoor Over Sindhudurg Flight Connectivity
Sindhudurg Navi Mumbai Flight Service : चिपी–नवी मुंबई विमानसेवा सुरू
November 17, 2026
संबंधित बातम्या

View all

Movies releasing on 20 November 2026 featuring Dhanush, Amit Sadh, Keerthy Suresh and other Bollywood and South Indian stars.
२० नोव्हेंबरला बॉक्स ऑफिसवर मनोरंजनाचा धमाका! 'हे' ६ चित्रपट होणार रिलिज, पाहा यादी
November 17, 2026
Ranbir Kapoor starrer Ramayana crosses ₹760 crore at the Indian box office in 11 days.
'रामायण'ची बॉक्स ऑफिसवर विक्रमी कमाई! ११ दिवसांत ७६० कोटींचा टप्पा पार; 'जवान', 'छावा'चे रेकॉर्ड मोडले
November 16, 2026
Singer Dhvani Bhanushali shares romantic engagement and proposal pictures with Yash Bhanushali, showing her diamond ring.
'वास्ते' फेम ध्वनी भानुशालीने शेअर केले साखरपुड्याचे फोटो; कोण आहे तिचा होणारा जोडीदार? वाचा सविस्तर
November 14, 2026
 Viral deleted scene from Ramayana movie showing Lord Ram rescuing Sita and Lakshman from wild animals.
Ramayana Deleted Scene : 'रामायण'मधील डिलीट केलेला तो थरारक सीन...
November 13, 2026