नवी दिल्ली : जर तुमचे कुटुंब मोठे असेल आणि तुम्ही ७ सीटर एसयूव्ही (SUV) घेण्याचा विचार करत असाल तर ही बातमी तुमच्यासाठी आहे. निसान (Nissan) भारतात एक नवीन ७ सीटर एसयूव्ही लॉन्च करण्याच्या तयारीत आहे. ही नवीन एसयूव्ही नुकतीच टेस्टिंगदरम्यान दिसून आली असून, 'रशलेन' (Rushlane) द्वारे तिचे 'स्पाय शॉट्स' शेअर करण्यात आले आहेत. ही आगामी एसयूव्ही 'टेक्टॉन' वर आधारित असेल.
निसानच्या मते, या नवीन ७ सीटर एसयूव्हीचे डिझाइन आणि फिचर्स वेगळी असतील. भारतात कंपनीची ही दुसरी ७ सीटर एसयूव्ही असेल. यापूर्वी येथे 'एक्स-ट्रेल' (X-Trail) ही एसयूव्ही विकली जात होती. निसानच्या या नवीन ७ सीटर एसयूव्हीची किंमत १८ लाख ते २२ लाख रुपये (एक्स-शोरूम) दरम्यान असण्याची शक्यता आहे.
निसानने आधीच कन्फर्म केले आहे की, ही नवीन ७ सीटर एसयूव्ही २०२७ मध्ये लॉन्च केली जाईल. टेस्टिंगदरम्यान दिसलेली एसयूव्ही कॅमफ्लाज केलेली असली, तरी ती ५ सीटर टेक्टॉनपेक्षा बरीच मोठी वाटत होती. मागील चाकांच्या मागे लांब 'रिअर क्वार्टर पॅनेल' आणि मोठी 'रिअर क्वार्टर ग्लास' दिसत आहे. त्यामुळे गाडीचा 'व्हीलबेस' अधिक लांब आणि आतील जागा (कॅबिन स्पेस) जास्त असल्याचे दिसते.
समोरील बाजूला, टेक्टॉनप्रमाणेच 'इनव्हर्टेड एल' आकाराचे एलईडी डीआरएल (LED DRLs) आणि एलईडी हेडलॅम्प्स आहेत. मात्र, ७ सीटर मॉडेलमध्ये नवीन ग्रिल आणि सुधारित बंपर असण्याची शक्यता आहे.
नवीन ७-सीटर एसयूव्हीच्या मागील डिझाइनमध्ये सर्वात महत्त्वाचे बदल दिसून येतील. ५-सीटर टेक्टॉनमधील 'सी' आकाराच्या एलईडी टेललाइट्सच्या जागी आता 'बूमरँग' (boomerang) आकाराच्या एलईडी टेललाइट्स देण्यात आल्या आहेत. दोन्ही टेललाइट्सना जोडणारा एलईडी लाइट बार देखील अधिक जाड आहे. याव्यतिरिक्त, मागील विंडशील्डची रचना मागील मॉडेलच्या तुलनेत अधिक सपाट आहे.
Nissan Tekton 7 Seater Spied With Radar Based ADAS – R18 225/60 Tyre Read more at... https://t.co/o2GMQlM5f2 . https://t.co/wfSy6ZHAsz
— RushLane (@rushlane) October 5, 2026
इंटिरियर आणि फिचर्सबद्दलची संपूर्ण माहिती अद्याप समोर आलेली नाही. दरम्यान, ही एक मोठी एसयूव्ही असल्याने टेक्टॉनच्या तुलनेत यात अधिक फीचर्स मिळण्याची शक्यता आहे. या नवीन ७ सीटर एसयूव्हीमध्ये 'टेक्टॉन' (Tecton) प्रमाणेच १.३ लिटर, ४-सिलेंडर, डायरेक्ट-इंजक्शन टर्बो-पेट्रोल इंजिन असण्याची शक्यता आहे. यात फ्रंट-व्हील-ड्राइव्ह सिस्टीम असू शकते आणि ग्राहकांना ६-स्पीड मॅन्युअल किंवा ६-स्पीड 'वेट ड्युअल-क्लच' ऑटोमॅटिक गिअरबॉक्सचा पर्याय मिळू शकतो.
