चीन : जगातल्या अशा काही अजब परंपरा आहेत ज्या ऐकून आश्चर्याचा धक्का बसतो. पण, चीनच्या एका गावात कुत्र्याला चक्क राजाचा मान मिळतो आणि त्याची पालखीतून मिरवणूक काढली जाते. चीनमधील नैऋत्येकडील गुइझोऊ प्रांतातील 'जियाओबांग' गावात राहणाऱ्या मियाओ समुदायामध्ये कुत्र्याला अत्यंत पवित्र मानलं जातं.
संकटाच्या वेळी गावाचं रक्षण करणाऱ्या या प्राण्याप्रती कृतज्ञता व्यक्त करण्यासाठी येथे दरवर्षी साजरा केला जातो. 'डॉग कॅरिंग फेस्टिव्हल' किंवा स्थानिक भाषेत 'ताई गोउ जी' या उत्सवासाठी एका खास कुत्र्याची निवड केली जाते. त्याला मियाओ पद्धतीचे रंगीबेरंगी कपडे, वाघाच्या डिझाईनची टोपी आणि गळ्यात चांदीचे दागिने घातले जातात. बांबूच्या पालखीत बसवून गावकऱ्यांकडून त्याची वाजत-गाजत मिरवणूक काढली जाते.
एवढंच नाही तर, गावात चांगला पाऊस पडावा आणि पिकांची समृद्धी राहावी म्हणून लोक एकमेकांवर चिखलही उडवतात! कुत्रा हा केवळ पाळीव प्राणी नसून संकटाच्या वेळी मदत करणारा आणि गावाचं रक्षण करणारा साथीदार असल्याची त्यांची भावना आहे. प्राण्यांवरील प्रेमाची आणि विश्वासाची ही अनोखी परंपरा तुम्हाला कशी वाटली ? कमेंट करून नक्की सांगा
ताजी बातमी
View all
संबंधित बातम्या
View all
