छत्तीसगड : तुम्ही अनेक रामभक्तांना पाहिलं असेल... पण कधी असा समाज पाहिलाय, ज्यांनी मंदिराची पायरी कधीच तुडवली नाही, मूर्तीपूजा केली नाही... पण त्यांच्या संपूर्ण शरीरावर फक्त आणि फक्त 'राम' नाम कोरलेला आहे? छत्तीसगडच्या ‘रामनामी समुदायाची’ ही गोष्ट अंगावर काटा आणणारी आहे. या समाजातल्या लोकांना मंदिराची गरज नाही, कारण ते स्वतःच्या शरीरालाच मंदिर मानतात. एकमेकांना भेटताना ते 'राम-राम' म्हणतात.

विशेष म्हणजे, ज्यांच्या माथ्यावर नाव असतं त्यांना 'सर्वांगी' आणि संपूर्ण अंगावर नाव असतं त्यांना 'नखशिख' म्हटलं जातं!" पण शरीरावर रामाचं नाव गोंदवून मंदिराजवळ न जाण्यामागे एका मोठ्या बंडाची कहाणी आहे! असं म्हणतात की, एके काळी उच्चवर्णीयांनी यांना मंदिरात जाण्यापासून रोखलं होतं. याचा निषेध म्हणून, 1890 साली 'परशुराम' नावाच्या एका तरुणाने शरीरावर रामनाम गोंदवून या अन्यायाविरुद्ध बंड पुकारलं! हा लढा इतका वाढला की 1912 मध्ये हा मुद्दा ब्रिटीश कोर्टापर्यंत पोहोचला होता. मंदिरात प्रवेश नाकारल्या गेलेल्या माणसांनी स्वतःच्या शरीरालाच देवाचं घर बनवलं. भक्तीची ही अनोखी आणि विद्रोही परंपरा आजही छत्तीसगडमध्ये कायम आहे.