नवी दिल्ली : बॉलिवूड अभिनेत्री परिणीती चोप्रा आणि तिचा पती खासदार राघव चड्ढा यांनी करवा चौथचा सण अत्यंत खास आणि रोमँटिक पद्धतीने साजरा केला. विमान उशिरा उडाल्यामुळे दोघांनाही घरी वेळेवर पोहोचता आले नाही. त्यामुळे करवा चौथनिमित्त त्यांना चंद्र पाहण्याची संधी मिळाली नाही. दरम्यान, त्यांनी विमानात करवा चौथ साजरा करण्यास पसंती दिली. विमान ३५,००० फूट उंचीवर असतानाच परिणीती चोप्रा आणि तिचा पती खासदार राघव चड्ढा यांनी करवा चौथची पूजा केली आणि आपला उपवास सोडला.
परिणीतीने या खास क्षणाचा एक व्हिडिओ सोशल मीडियावर शेअर केला आहे. हा व्हिडिओ सध्या चांगलाच व्हायरल होत आहे. या व्हिडिओमध्ये हे जोडपे विमानात करवा चौथ साजरा करताना दिसत आहे. व्हिडिओसोबत परिणीतीने तिचा पती राघव चड्ढासाठी एक अतिशय गोड मॅसेजही लिहिला आहे.
तिने लिहिले, "आपण जिथे कुठे असतो, तिथेच करवा चौथ साजरा होतो... मग आपण ३५,००० फूट उंचीवर का असेना! राघव, तू माझी सर्व स्वप्ने पूर्ण केली आहेस. तू सर्वोत्तम, सगळ्यात चांगला आणि अतिशय प्रेमळ व्यक्ती आहेस." तिने असेही नमूद केले की, विमान उशिरा उडाल्यामुळे त्यांना घरी जाण्याऐवजी विमानातूनच चंद्र पाहावा लागला. या जोडप्याने तिथेच पूजा केली आणि करवा चौथच्या विधी पूर्ण केल्या.
ताजी बातमी
View all
संबंधित बातम्या
View all
