नवी दिल्ली : शाहरुख खानने त्याच्या आगामी 'किंग' (King) या चित्रपटाचे एक नवीन पोस्टर शेअर केले आहे. या पोस्टरमध्ये अभिनेत्याचा एक रांगडा अवतार दिसून येतो. या पोस्टरमध्ये शाहरुखचे केस पांढरे झालेले दिसतात. तसेच चेहऱ्यावर जखमांच्या खुणा आहेत. शाहरूख खानच्या हातात बंदूक आहे आणि तोंडात एक लाल गुलाब धरलेले आहे. हे पोस्टर शेअर करताना त्याने कॅप्शनमध्ये लिहीले आहे की "खुनी नाही, तर प्रेमी."

'किंग' हा चित्रपट २४ डिसेंबर रोजी चित्रपटगृहांमध्ये रिलिज होणार आहे. सिद्धार्थ आनंद दिग्दर्शित या चित्रपटात शाहरुख खानसोबत त्याची मुलगी सुहाना खान, अभिषेक बच्चन, दीपिका पदुकोण, अनिल कपूर, जॅकी श्रॉफ, राणी मुखर्जी, जयदीप अहलावत, अर्शद वारसी आणि राघव जुयाल अशी मोठी स्टारकास्ट आहे.

दरम्यान, शाहरुख खानच्या किंग चित्रपटाचे हे पोस्टर पाहून चाहते खूप खूश झाले आहेत. एका चाहत्याने कमेंट केली, "किंगचे आगमन झाले आहे," तर दुसऱ्याने त्याला "बॉक्स ऑफिसचा खरा किंग" असे म्हटले आहे. अजून एका चाहत्याने म्हटले की, या पोस्टरमुळे चित्रपटाबद्दलची त्यांची उत्सुकता अधिकच वाढली आहे. दरम्यान, काहींनी असा अंदाज वर्तवला आहे की हे पोस्टर कदाचित एआयचा वापर करून तयार केले असावे. 

View this post on Instagram

A post shared by Shah Rukh Khan (@iamsrk)

'किंग' चित्रपटाचा पहिला टीझर नोव्हेंबर २०२५ मध्ये प्रदर्शित झाला होता आणि तेव्हापासून चाहते ट्रेलरची आतुरतेने वाट पाहत आहेत. जेव्हा शाहरुख खानला ट्रेलरबद्दल विचारले गेले तेव्हा शाहरुखने चाहत्यांना थोडा संयम राखण्याचे आवाहन केले. त्याने लिहिले की, "बिचारा सिड खूप मेहनत घेत आहे. तो पुरेसा वेळ घेत आहे जेणेकरून आम्ही बेस्ट काम देऊ शकू आणि जेव्हा तुम्ही #King पाहाल, तेव्हा तुम्हाला आनंद होईल आणि अभिमानही वाटेल."