मुंबई : शहरांमधील स्वच्छतेसाठीचे पुरस्कार जाहीर करण्यात आले आहेत. 'क्लीन सिटी लीग' कॅटेगरीमध्ये नवी मुंबईने प्रथम क्रमांक पटकावला असून सुरत दुसऱ्या आणि विजयवाडा तिसऱ्या स्थानावर राहिले आहेत. दरम्यान, १० लाखांपेक्षा जास्त लोकसंख्या असलेल्या शहरांच्या कॅटेगरीत ग्रेटर विशाखापट्टणम विजेते ठरले आहे. या कॅटेगरीत मध्य प्रदेशमधील जबलपूर दुसऱ्या क्रमांकावर, तर लखनौ तिसऱ्या क्रमांकावर राहिले. या ताज्या सर्वेक्षणात एकूण ४,७५१ शहरांनी सहभाग घेतला होता. 

बुधवारी राष्ट्रपती द्रौपदी मुर्मू यांनी विज्ञान भवन येथे 'स्वच्छ सर्वेक्षण' पुरस्कारांची घोषणा केली. त्यांनी स्वच्छता क्षेत्रात उत्कृष्ट कामगिरी करणाऱ्या विविध शहरांना पुरस्कार प्रदान केले. नवी मुंबई, लखनौ आणि वाराणसी व्यतिरिक्त इतर अनेक शहरांनीही विविध श्रेणींमध्ये स्वच्छतेचे पुरस्कार जिंकले आहेत. नदीकाठी वसलेल्या शहरांच्या श्रेणीत रेवा प्रथम क्रमांकावर राहिले, तर बिलासपूर दुसऱ्या आणि वाराणसी तिसऱ्या स्थानावर आले.

किनारपट्टीवरील शहरांच्या श्रेणीत पुरी अव्वल ठरले. जगन्नाथ यात्रेसाठी प्रसिद्ध असलेल्या या शहराने स्वच्छतेच्या क्षेत्रातही आपली क्षमता सिद्ध केली आहे. पुरीच्या पाठोपाठ केरळ येथील अलाप्पुझा दुसऱ्या क्रमांकावर, तर रत्नागिरी तिसऱ्या क्रमांकावर राहिले.

LIVE: President Droupadi Murmu’s address at the presentation of Swachh Survekshan Awards (2025-26) at Vigyan Bhavan, New Delhi https://t.co/eNHmFsxyM3

— President of India (@rashtrapatibhvn) November 11, 2026