मुंबई : एअर इंडियाच्या एका विमानात हायजॅकची धमकी देणारी चिठ्ठी सापडल्याने खळबळ उडाली. ही घटना बुधवारी घडली. ही चिठ्ठी सापडल्यानंतर विमानतळावरील एका सुरक्षित आणि आयसोलेटेड ठिकाणी विमान हलवण्यात आले. सुदैवाने विमानात असलेले सर्व प्रवासी सुरक्षित आहेत. प्रशासनाने विमानाची तपासणी सुरू केली आहे. हे विमान पश्चिम बंगालची राजधानी कोलकाता येथून मुंबईच्या दिशेने जात होते.

मिळालेल्या माहितीनुसार, कोलकाताहून मुंबईला जाणारे हे विमान सुरक्षेच्या धोक्याची सूचना मिळाल्यानंतर बुधवारी सकाळी एका आयसोलेशन बे मध्ये हलवण्यात आले. विमानात एक चिठ्ठी सापडल्याचे सांगण्यात येत आहे. सुरक्षा यंत्रणा घटनास्थळी दाखल झाल्या असून एसओपी राबवण्यात येत आहेत.

धमकावणारी चिठ्ठी सापडल्याने खळबळ

वृत्तसंस्था 'आयएएनएस'ने मुंबई पोलिसांमधील सूत्रांच्या हवाल्याने दिलेल्या वृत्तानुसार नेताजी सुभाषचंद्र बोस आंतरराष्ट्रीय विमानतळावर उड्डाणासाठी सज्ज असलेल्या एका विमानात धमकीवजा चिठ्ठी सापडली. या चिठ्ठीत विमान हायजॅक करण्याची धमकी देण्यात आली होती. विमान उड्डाण करण्यापूर्वीच वैमानिकाने एअर ट्रॅफिक कंट्रोलला याची माहिती दिली. त्यानंतर सर्व प्रवाशांना सुरक्षितपणे विमानातून बाहेर काढण्यात आले.

कोलकाता विमानतळाचे संचालक विक्रम सिंग यांनी सांगितले की, विमानात एक धमकीवजा चिठ्ठी सापडली .यामध्ये सकाळी ११:१० वाजता विमान हायजॅक केले जाईल असा उल्लेख होता. विमान उड्डाण करण्यापूर्वी वॉशरूममध्ये ही चिठ्ठी सापडली. त्यानंतर सर्व प्रवाशांना विमानातून खाली उतरवण्यात आले आणि विमान एका आयसोलेशन बेमध्ये हलवण्यात आले.

An Air India flight scheduled to operate from Kolkata to Mumbai was moved to the isolation bay this morning following a threat alert shortly before take-off. Security agencies immediately reached the spot and initiated checks as per standard operating procedures (SOP). The situation is being assessed, and further details are awaited.

— ANI (@ANI) November 11, 2026