waterproof smartphones under 20,000 : स्मार्टफोन पावसाळ्यात ओला होण्याची शक्यता असते. अशावेळी पाणी स्मार्टफोनमध्ये गेल्यानंतर तांत्रिक बिघाड होण्याची शक्यता असते. मात्र जर 'वॉटरप्रूफ' स्मार्टफोन असेल तर पाणी जाण्याची शक्यता नसते. तुम्ही नवीन स्मार्टफोन घेण्याचा विचार करीत असाल तर वॉटर आणि डस्ट रेझिस्टंट असलेल्या स्मार्टफोनची यादी आम्ही तुमच्यासाठी घेऊन आलो आहोत. २० हजार रुपयांपेक्षा कमी किमतीत असे अनेक 5G स्मार्टफोन उपलब्ध आहेत ज्यांमध्ये आयपी रेटिंग, मोठी बॅटरी, हाय-रिझोल्यूशन कॅमेरे आणि दमदार कामगिरीचे फिचर्स आहेत.

या लिस्टमध्ये व्हिओ टी 5 लाईट (Vivo T5 Lite), रिअलमी नार्झो 90 एक्स 5 जी (Realme NARZO 90x 5G),ओप्पो के 14 एक्स 5 जी (OPPO K14x 5G), मोटोरोला जी 37 पॉवर 5 जी (Motorola G37 Power 5G) आणि रेडमी 15 सी 5 जी (Redmi 15C 5G) यांचा समावेश आहे. दरम्यान ऑनलाइन किमती आणि ऑफर्समध्ये कालांतराने बदल होऊ शकतात.

व्हिओ टी 5 लाईट (Vivo T5 Lite)

व्हिओ टी 5 लाईट हा एक शक्तिशाली 5 जी स्मार्टफोन आहे. यात IP65 रेटिंग आहे, ज्यामुळे धूळ आणि पाण्याच्या थेंबांपासून संरक्षण मिळते. यामुळे हलका पाऊस किंवा चुकून पाणी सांडल्यास काळजी करण्याची गरज उरत नाही. या फोनची बॉडी 'मिलिटरी-ग्रेड' दर्जाची आहे. कॅमेऱ्याच्या बाबतीत, यात ५० मेगापिक्सलचा मुख्य कॅमेरा आणि सेल्फी व व्हिडिओ कॉल्ससाठी ८ मेगापिक्सलचा फ्रंट कॅमेरा आहे. याचे एक खास वैशिष्ट्य म्हणजे याची मोठी ६५०० एमएएच बॅटरी, जी दीर्घकाळ चालते. सध्या फ्लिपकार्टवर व्हिओ टी 5 लाईट ची किंमत 19,999 रुपये आहे.

मोटोरोला जी 37 पॉवर 5 जी (Motorola G37 Power 5G)

जर मोठी बॅटरी आणि मजबूत स्मार्टफोन तुमच्यासाठी महत्त्वाचा असेल, तर मोटोरोला जी 37 पॉवर 5 जी तुम्हाला नक्कीच आवडेल. यात IP64 रेटिंग आहे, जे धूळ आणि पाण्याच्या थेंबांपासून संरक्षण देते, तसेच यात MIL-STD-810H मिलिटरी-ग्रेड टिकाऊपणाची क्षमता आहे. या डिव्हाइसमध्ये ५० मेगापिक्सलचा मुख्य कॅमेरा आणि सेल्फी व व्हिडिओ कॉल्ससाठी ८ मेगापिक्सलचा फ्रंट कॅमेरा आहे. याचे सर्वात उल्लेखनीय वैशिष्ट्य म्हणजे ७००० एमएएचची बॅटरी. फ्लिपकार्टवर या फोनची किंमत १७,९९९ रुपये आहे.

रिअलमी नार्झो 90 एक्स 5 जी (Realme NARZO 90x 5G)

या फोनचे एक खास वैशिष्ट्य म्हणजे याची "Rainwater Smart Touch"  तंत्रज्ञान प्रणाली, ज्यामुळे ओल्या हातांनीही स्क्रीन वापरणे सोपे जाते. यात ७०००एमएएचची  मोठी बॅटरी आहे. कॅमेऱ्याच्या बाबतीत, यात ऑटोफोकस सपोर्टसह ५० मेगापिक्सलचा मुख्य कॅमेरा देण्यात आला आहे. यात फोटोची गुणवत्ता सुधारण्यासाठी 'AI Imaging' आणि 'AI Clear Face' सारखी वैशिष्ट्ये देखील आहेत. या फोनला IP65 रेटिंग मिळाले आहे, ज्यामुळे तो पाण्याशी होणाऱ्या किरकोळ संपर्कापासून सुरक्षित राहतो. याची किंमत १७,४९९ रुपये आहे.

रेडमी 15 सी 5 जी (Redmi 15C 5G)

रेडमी 15 सी 5 जी मध्ये ६००० एमएएचची सिलिकॉन-कार्बन बॅटरी देण्यात आली आहे, जी ३३ वॅट फास्ट चार्जिंगला सपोर्ट करते. यात ड्युअल रिअर कॅमेरा सेटअप आहे, ज्यामध्ये ५० मेगापिक्सलचा मुख्य सेन्सरचा समावेश आहे. IP64 रेटिंगमुळे हा फोन धूळ आणि पाण्याच्या थेंबांपासून सुरक्षित राहतो. फ्लिपकार्टवर रेडमी 15 सी 5 जी ची किंमत १९,९४० रुपये आहे.

ओप्पो के 14 एक्स 5 जी (OPPO K14x 5G)

या किंमतीच्या श्रेणीतील ओप्पो के 14 एक्स 5 जी हा आणखी एक उत्तम पर्याय आहे. हा फोन पाण्याच्या थेंबांसारख्या आणि हलक्या पावसामुळे उद्भवणाऱ्या दैनंदिन परिस्थितींचा सामना करण्यासाठी डिझाइन केला गेला आहे. ज्यामुळे पावसाळ्यात वापरण्यासाठी तो एक चांगला पर्याय ठरतो. यात ५० मेगापिक्सलचा मुख्य कॅमेरा आहे, जो पोर्ट्रेट आणि लँडस्केप अशा दोन्ही प्रकारचे फोटो काढण्यास सक्षम आहे. ओप्पो के 14 एक्स 5 जी हा फोन फ्लिपकार्टवर १७,९९९ रुपयांमध्ये खरेदीसाठी उपलब्ध आहे.