BIG BREAKING | भीषण अपघातात 9 जण ठार

माणगाव तालुक्यातील रेपोली गावाजवळ ट्रक व युको कारचा भीषण अपघात
Edited by: नितेश लोखंडे
Published on: January 19, 2023 08:51 AM
views 369  views

रायगड : आज सकाळी पहाटे पाच वाजताच्या सुमारास माणगाव तालुक्यातील रेपोली गावच्या हद्दीत ट्रक व इको कार यांची भीषण धडक होऊन मोठा अपघात झाला. सदरचा अपघात एवढा भीषण होता की या अघातामध्ये नऊ जण मृत्युमुखी पडले असून एक जण गंभीर जखमी आहे.


या अपघातामध्ये चार वर्षाचा चिमूरडा जखमी झाल्याची प्राथमिक माहिती मिळाली आहे. अपघातामध्ये मृत्युमुखी पडलेले प्रवासी रत्नागिरी - गुहागर येथील रहिवाशी आहेत. अपघातामधली इको कार क्रमांक एम एच 04 बीटी 8673 ही मुंबईहून गोव्याच्या दिशेने गुहागर कडे जात असताना समोरून येणाऱ्या ट्रकने जोरदार धडक दिल्यामुळे हा अपघात झाल्याचे समजते. अपघातस्थळी लोणेरे व माणगाव पोलीस दाखल झाले असून जखमीना व मृत्युमुखी पडलेल्यांना माणगाव उपजिल्हा रुग्णालय येथे पाठविण्यात आले आहे.