कुडाळ : १० वी आणि १२वीच्या विद्यार्थ्यांसाठी महत्त्वाची बातमी आहे. दहावी आणि बारावीच्या परीक्षेची तारीख जाहीर करण्यात आली असून विद्यार्थ्यांनी आता अभ्यासाचा वेग वाढवायला हवा.
महाराष्ट्र राज्य माध्यमिक आणि उच्च माध्यमिक मंडळाकडून परीक्षेचे वेळापत्रक जाहीर करण्यात आले आहेत. दहावी-बारावीची परीक्षा फेब्रुवारी-मार्च महिन्यात होणार आहे. दहावीची परीक्षा २१ फेब्रुवारी २०२५ ते १७ मार्च २०२५ या काळात होणार आहे. तर बारावीची परीक्षा ११ फेब्रुवारी २०२५ ते ११ मार्च २०२५ या काळात होणार आहे. याबाबत सविस्तर वेळापत्रक २१ तारखेला म्हणजे आजपासून महाराष्ट्र राज्य माध्यमिक उच्च माध्यमिक मंडळाकडून संकेतस्थळावर प्रकाशित करण्यात आले आहे.
