सावंतवाडी : वेर्ले येथील श्री देवी पावणाई रवळनाथ मंदिर परिसर आता अधिक सुशोभीकरणाने फुलून जाणार आहे. त्याच्या सौंदर्य अधिक खुलणार आहे. आमदार दीपक केसरकर यांच्या निधीतून पावर ब्लॉक बसवण्यात आले आहेत. या कामाचे भूमिपूजन शिवसेनेचे तालुकाप्रमुख दिनेश गावडे यांच्या हस्ते करण्यात आले.

यावेळी चंद्रकांत राणे ,विकास सोसायटी चेअरमन विजय राऊळ, ग्रामपंचायत सदस्य बाळू गावडे, सूरज राऊळ, अनिल लिंगवत, शिवसेनेचे माजी जिल्हाप्रमुख अशोक दळवी, सरपंच रुचिता राऊळ आदी उपस्थित होते. मंदिर परिसरात पेवर ब्लॉक बसवावे यासाठी माजी सरपंच चंद्रकांत राणे यांनी विशेष पाठपुरावा केला होता, त्याला यश आले आहे.