मुंबई : ओटीटी प्रेमींसाठी हा संपूर्ण आठवडा अतिशय रोमांचक असणार आहे. २ ते ८ नोव्हेंबर दरम्यान नेटफ्लिक्स (Netflix), सोनीलिव्ह (SonyLIV), प्राइम व्हिडिओ (Prime Video) आणि झी ५ (ZEE5) सारख्या विविध ओटीटी प्लॅटफॉर्मवर काही चित्रपट आणि वेब सिरिज रिलिज होणार आहेत. यामध्ये हॉररपासून ते म्युझिकल रोमान्सपर्यंतच्या विविध शैलींचा समावेश आहे. 

दिलवाली दिवाळी (Dilwali Diwali)

हा विनोदी चित्रपट नेटफ्लिक्सवर ५ नोव्हेंबर रोजी रिलिज होणार आहे. हा एक कौटुंबिक विनोदी चित्रपट असून यात मिहिर आहुजा, मनोज पाहवा, नीलू कोहली आणि ऑरा भटनागर यांसारखे कलाकार आहेत. 

कौरीबुरी मंदिर (द कर्सड टेम्पल ऑफ कौरीबुरी)

बंगाली हॉरर-थ्रिलर सिरिज नेटफ्लिक्सवर ६ नोव्हेंबर रोजी रिलिज होणार असून याचे सायनतन घोषाल यांनी दिग्दर्शन केले आहे.

ॲनेस्थेशिया (Anesthesia)

ही ड्रामा वेब सिरिज नेटफ्लिक्सवर ४ नोव्हेंबर रोजी रिलिज होणार आहे. ही एक पोलिश मेडिकल ड्रामा सिरिज आहे. 

बाजीराव मस्तानी (Bajirao Mastani)

संजय लीला भन्साळी दिग्दर्शित ऐतिहासिक प्रेमकथा असलेला हा चित्रपट नेटफ्लिक्सवर ३ नोव्हेंबर रोजी रिलिज होत आहे. यात रणवीर सिंग, दीपिका पदुकोण आणि प्रियांका चोप्रा मुख्य भूमिकेत आहेत.

गोलियों की रासलीला: राम-लीला (Goliyon Ki Raasleela: Ram-Leela)

संजय लीला भन्साळी दिग्दर्शित रोमँटिक म्युझिकल चित्रपट नेटफ्लिक्सवर ३ नोव्हेंबर रोजी रिलिज होणार आहे. चित्रपटात रणवीर सिंग आणि दीपिका पदुकोण मुख्य भूमिकेत आहेत. 

मिनियन्स अँड मॉन्स्टर्स (Minions & Monsters)

हा विनोदी चित्रपट जिओ हॉटस्टार २ नोव्हेंबर रोजी रिलिज होत आहे. हा चित्रपट हॉटस्टारवर इंग्रजी, हिंदी, तमिळ आणि तेलुगू भाषांत उपलब्ध आहे. 

मोटू-पतलू अँड द मिस्ट्री ऑफ नागमाणी (Motu-Patlu and the Mystery of Nagmani)

हिंदी ॲनिमेटेड विनोदी चित्रपट जिओ हॉटस्टारवर (Jio Hotstar) ८ नोव्हेंबरला रिलिज होत असून यात मोटू आणि पतलू, खलनायक 'जॉन द डॉन'चा पाठलाग करत असताना चुकून एका 'टाइम पोर्टल'मध्ये पोहोचतात.

नूरु कोडी वानविल (Nooru Kodi Vaanavil)

शशी दिग्दर्शित एक तमिळ रोमँटिक चित्रपट ६ नोव्हेंबर रोजी झी 5 वर रिलिज होत आहे. याची कथा 'विनो' नावाच्या तरुणाभोवती फिरते. जो चांगल्या संधींच्या शोधात गोव्याला जातो. 

मीसाया मुरुक्कू २ (Meesaya Murukku 2)

हा चित्रपट सोनीलिव्हवर ६ नोव्हेंबर रोजी रिलिज होत असून याची कथा तीन पिढ्यांच्या संगीतकारांच्या प्रवासावर आधारित आहे.