चिपळूण : रत्नागिरी जिल्हा प्राथमिक शिक्षक सहकारी पतपेढीच्या तज्ज्ञ संचालकपदी संतोष श्रीधर सुर्वे यांची निवड करण्यात आल्याचे पत्र पतसंस्थेचे मुख्य कार्यकारी अधिकारी हरेश देसाई यांनी दिले आहे.दि. 31 ऑक्टोबर रोजी पतसंस्थेच्या व्यवस्थापन समितीची बैठक झाली. या बैठकीत संतोष सुर्वे यांच्या नावाचा ठराव करण्यात आला. त्यानुसार त्यांना नियुक्ती पत्र देण्यात आले आहे.

संतोष सुर्वे हे प्राथमिक शिक्षक समितीचे क्रियाशील सदस्य होते. समितीच्या तालुकध्यक्षापासून विविध पदावर त्यांनी काम केले आहे. शिक्षकांचे विविध प्रश्न सोडविण्यात त्यांचा हातखंडा आहे. पतसंस्थेच्या निवडणुकीत त्यांना अपयश आले होते. अखेर त्यांना तज्ञ संचालक म्हणून संधी मिळाली असून सर्व शिक्षकानी त्यांचे अभिनंदन केले आहे.