नवी दिल्ली : ओटीटी प्लॅटफॉर्मवर विविध प्रकारातील अनेक चित्रपट आणि मालिका उपलब्ध आहेत. यात काही विनोदी, थ्रिलर, सस्पेन्स किंवा गुन्हेगारीवर आधारित कथा आहेत. यातील एक 'डार्क कॉमेडी क्राईम थ्रिलर' प्रकारातील चित्रपट म्हणजे अंधाधुन. या चित्रपटात आयुष्मान खुराना, राधिका आपटे आणि तब्बू मुख्य भूमिकेत आहेत.

श्रीराम राघवन यांनी दिग्दर्शित केलेल्या या चित्रपटाचे लेखन अरिजित बिस्वास, योगेश चंद्रशेखर आणि श्रीराम राघवन यांनी केले आहे. आकाश नावाच्या एका प्रतिभावान पियानोवादकाभोवती या चित्रपटाची कथा फिरते. आकाश हा अंध असल्याचे नाटक चित्रपटात करतो. आकाशच्या आयुष्यात सोफी येते आणि दोघांमध्ये जवळीक निर्माण होते.

दरम्यान, एका रेस्टॉरंटमध्ये, एक निवृत्त चित्रपट अभिनेता आकाशला त्याच्या घरी एक खासगी मैफल सादर करण्यासाठी आमंत्रित करतो. तिथे पोहोचल्यावर त्याला समजते की त्याला बोलावलेल्या व्यक्तिची हत्या झाली आहे आणि त्या अभिनेत्याची पत्नी कोणा दुसऱ्यासोबत अनैतिक संबंधात आहे. आकाश या कठीण परिस्थितीतून कसा बाहेर पडतो आणि पुढे काय घडते हे जाणून घेण्यासाठी तुम्हाला हा चित्रपट शेवटपर्यंत पाहावा लागेल.

जर तुम्हाला हा चित्रपट पाहायचा असेल, तर तो तुम्ही 'जिओ-हॉटस्टार' वर पाहू शकता. या क्राईम थ्रिलर चित्रपटाला आयएमडीबीवर ८.२ रेटिंग मिळाले असून प्रेक्षकांकडून त्याला खूप चांगला प्रतिसाद मिळाला आहे.