सावंतवाडी : पोलीस ठाण्यात दाखल असलेल्या एका गुन्ह्यातील संशयित महिला आणि पुरुष यांचा शोध घेण्यासाठी सावंतवाडी पोलिसांनी नागरिकांकडे मदतीचे आवाहन केले आहे. याबाबत सावंतवाडी पोलीस स्टेशनचे सहाय्यक पोलीस निरीक्षक हर्षद सुनील हिंगे यांनी माहिती दिली आहे.

संबंधितांवर गुन्हा दाखल करण्यात आला आहे. गुन्ह्याच्या तपासादरम्यान काही संशयित महिला व पुरुषांनी हा गुन्हा केल्याची शक्यता वर्तवली जात असून ते सध्या पोलिसांना मिळून आलेले नाहीत. संशयित महिला व पुरुषांबाबत कोणास काही माहिती मिळाल्यास किंवा ते निदर्शनास आल्यास त्यांनी तात्काळ सावंतवाडी पोलीस ठाण्याशी संपर्क साधावा, असे आवाहन करण्यात आले आहे.