LIVE UPDATES

Devgad News : देवगड समुद्रात कर्नाटकची हायस्पीड ट्रॉलर नौका जप्त

१५ दिवसांत मत्स्यव्यवसाय विभागाची दुसरी मोठी कारवाई; मध्यरात्री पाठलाग करून ‘हनुमा ध्याना’ नौका ताब्यात
Edited by: कोकणसाद LIVE न्यूज नेटवर्क
Published on: November 18, 2026 10:35 AM
views 57  views
#kokansadlive#news update#konkan update# breaking news#Sawantwadi News

देवगड :महाराष्ट्राच्या सागरी हद्दीत घुसखोरी करून बेकायदा मासेमारी करणाऱ्या परप्रांतीय नौकांविरुद्ध मत्स्यव्यवसाय विभागाने कारवाईचा धडाका सुरूच ठेवला आहे. देवगडसमोरील समुद्रात कर्नाटकातील मलप्पे बंदराची ‘हनुमा ध्याना’ ही हायस्पीड ट्रॉलर नौका पकडून जप्त करण्यात आली. गेल्या १५ दिवसांतील विभागाची ही दुसरी मोठी कारवाई असून, या कारवाईमुळे स्थानिक मच्छिमारांमधून समाधान व्यक्त होत आहे.

१८ नोव्हेंबर रोजी मध्यरात्री दोन वाजण्याच्या सुमारास मत्स्यव्यवसाय विभागाच्या गस्ती पथकाला आचरा समोरील समुद्रात सुमारे ९ ते १० नॉटिकल मैल अंतरावर ही नौका वैध परवान्याशिवाय ट्रॉलिंग पद्धतीने मासेमारी करताना आढळली. विभागाच्या गस्ती नौकेला पाहताच संबंधित नौकेने वेगाने पळ काढला. मात्र, अधिकाऱ्यांनी पाठलाग सुरू ठेवत देवगडसमोरील समुद्रात या नौकेला पकडले. महाराष्ट्र सागरी मासेमारी नियमन अधिनियम १९८१ व सुधारित अधिनियम २०२१ मधील तरतुदींनुसार नौका ताब्यात घेऊन जप्त करण्यात आली. या नौकेवर तांडेलसह सात खलाशी होते. त्यानंतर नौका देवगड बंदरात आणण्यात आली असून, तिच्याविरोधात कायदेशीर कार्यवाही सुरू आहे.

जप्त करण्यात आलेल्या नौकेचे नाव ‘हनुमा ध्याना’ असून, तिचा नोंदणी क्रमांक IND-KA-02-MM-6013 आहे. सुनील शेखर कोट्यान (रा. उडुपी, कर्नाटक) हे या नौकेचे मालक आहेत. या कारवाईचा सविस्तर अहवाल सहाय्यक आयुक्त, मत्स्यव्यवसाय, सिंधुदुर्ग यांच्याकडे सादर करण्यात येणार आहे.

दरम्यान, परप्रांतीय हायस्पीड ट्रॉलर नौकांकडून स्थानिक मच्छिमारांची जाळी तोडली जात असल्याच्या तक्रारी मालवण व देवगड परिसरातील मच्छिमारांनी केल्या होत्या. या पार्श्वभूमीवर महाराष्ट्राच्या सागरी हद्दीत बेकायदा मासेमारी करणाऱ्या नौकांविरोधात विभागाने कठोर भूमिका घेतली आहे. कर्नाटकातील मलप्पे बंदरातील नौका अधिक अश्वशक्तीच्या असल्याने त्यांचा पाठलाग करणे आव्हानात्मक ठरत असतानाही विभागाच्या पथकाने नियोजनबद्ध पद्धतीने कारवाई केली.

मत्स्यव्यवसाय मंत्री नितेश राणे यांनी परप्रांतीय नौकांच्या घुसखोरीविरोधात सुरुवातीपासूनच कठोर भूमिका घेतली आहे. त्यांच्या भूमिकेमुळे विभागाच्या कारवाईला बळ मिळत असून, स्थानिक मच्छिमारांच्या हिताचे संरक्षण करण्यासाठी अशा कारवाया सातत्याने सुरू राहतील, असा विश्वास व्यक्त केला जात आहे.

सिंधुदुर्ग जिल्ह्याचे अंमलबजावणी अधिकारी प्रतिक महाडवाला यांच्या नेतृत्वाखाली ‘शीतल’ गस्ती नौकेद्वारे ही कारवाई करण्यात आली. सागरी सुरक्षा रक्षक दिवाकर जुवाटकर, संतोष टुकरुल, धाकोजी खवले, अल्पेश नेसवनकर आणि स्वप्नील सावजी यांनी या मोहिमेत महत्त्वपूर्ण सहकार्य केले. सहाय्यक आयुक्त मत्स्यव्यवसाय सागर कुवेसकर यांच्या मार्गदर्शनाखाली ही कारवाई पार पडली.

रात्रीच्या अंधारात भर समुद्रात अधिक वेगवान नौकेचा पाठलाग करून तिला पकडणे हे आव्हानात्मक काम असतानाही मत्स्यव्यवसाय विभागाने १५ दिवसांत दुसऱ्यांदा अशी कारवाई केली आहे. त्यामुळे महाराष्ट्राच्या सागरी हद्दीत बेकायदा मासेमारी करणाऱ्या नौकांविरोधात विभागाची मोहीम अधिक तीव्र झाल्याचे दिसून येत आहे.


ताजी बातमी

View all

दादा कोंडके यांच्या बहारदार गीतांचा रंगणार सुरेल कार्यक्रम
November 18, 2026
मुख्याध्यापक वामन तर्फे यांच्या मातोश्री सीताबाई तर्फे यांचे निधन
November 18, 2026
पडेल येथील श्री देव रवळनाथ मंदिराचा २३ वा वर्धापन दिन २८ नोव्हेंबरला
November 18, 2026
Mahamari Vishuchika Dashavatar Natak by Balakrishna Gore Natya Mandal
धूप-कापूर, मोर अन् कोंबड्याचं गूढ! कोकणात धुमाकूळ घालतोय ‘महामारी विशुचिका’ नाट्यप्रयोग
November 18, 2026
संबंधित बातम्या

View all

Kankavli Police Arrest Accused in Minor Girl POCSO Sexual Assault Case
Kankavli Crime News : अल्पवयीन मुलीवरील लैंगिक अत्याचार प्रकरणी अखेर संशयितास अटक
November 17, 2026
Kankavli police investigate an alleged POCSO case involving a minor schoolgirl in Sindhudurg district.
Kankavli POCSO Case : १४ वर्षीय विद्यार्थिनीवर लैंगिक अत्याचार?
November 17, 2026
Anti Corruption Bureau officials arrest a Maharashtra Maritime Board regional port officer and an alleged private intermediary in a ₹60,000 bribery case in Ratnagiri.
Ratnagiri Port Officer Bribery Case : ६० हजारांची लाच घेताना बंदर अधिकाऱ्यासह खासगी पंटर जाळ्यात
November 17, 2026
Police investigating a bank robbery at a nationalised bank in Panbazar, Kudal, Sindhudurg, where a knife-wielding suspect was caught by locals.
Kudal Bank Robbery : कुडाळमध्ये भरदिवसा राष्ट्रीयकृत बँकेवर चाकूचा धाक दाखवून दरोडा
November 17, 2026