
देवगड : पडेल येथील श्री देव रवळनाथ मंदिराचा कलशारोहण व अर्चा विधीचा २३ वा वर्धापन दिन सोहळा कार्तिक कृ. पंचमी शनिवार दिनांक २८ नोव्हेंबर २०२६ रोजी मोठ्या उत्साहात साजरा होणार आहे. श्री देव रवळनाथ मंदिर उत्सव समिती पडेल यांच्यावतीने या सोहळ्याचे आयोजन करण्यात आले असून या सोहळ्याला उपस्थित राहून कार्यक्रमाची शोभा वाढवावी असे आवाहन उत्सव समितीचे अध्यक्ष केवल ठाकूरदेसाई यांनी केले आहे.
या सोहळ्याची सुरुवात सकाळी आठ वाजता लघुरुद्र अभिषेक आणि श्री सत्यनारायणाची महापूजा या धार्मिक विधींनी होणार असून दुपारी बारा ते तीन या वेळेत भाविकांसाठी महाप्रसादाचे आयोजन करण्यात आले आहे. दुपारी तीन ते आठ या वेळेत स्थानिक भजनांचा कार्यक्रम होणार असून त्यानंतर रात्री नऊ वाजता महिलांचा डबल बारीचा जंगी सामना रंगणार आहे.
या सामन्यात साची मुळम पुरळ हुरशी विरुद्ध कु. तेजल जाधव धोपावे गुहागर यांच्यात सामना होणार असून या सामन्याकडे सर्व भाविकांचे लक्ष लागले आहे. या वर्धापन दिन सोहळ्याला भाविकांनी मोठ्या संख्येने उपस्थित रहावे असे आवाहन समितीच्या वतीने करण्यात आले आहे.
ताजी बातमी
View all




संबंधित बातम्या
View all








