मुंबई : आयपीएल २०२७ च्या पार्श्वभूमीवर मुंबई इंडियन्स (MI) आपल्या कोचिंग स्टाफमध्ये मोठे बदल करत आहे. या प्रक्रियेचा भाग म्हणून फ्रँचायझीने लसिथ मलिंगा, पारस म्हांम्ब्रे आणि कार्ल हॉपकिन्सन या तीन प्रशिक्षकांना मुंबई इंडियन्सने रामराम ठोकला आहे. याबाबतची फ्रँचायझीने गुरुवारी ही घोषणा केली. 

श्रीलंकेचा दिग्गज वेगवान गोलंदाज लसिथ मलिंगा हा मुंबई इंडियन्समध्ये ११ वर्षे होता. तो २०१८ च्या हंगामात 'बॉलिंग मेंटॉर' म्हणून सपोर्ट स्टाफमध्ये सामील झाला होता. त्यानंतर २०२४ च्या आयपीएल हंगामापूर्वी त्याने शेन बाँडच्या जागी संघाचे 'फास्ट-बॉलिंग कोच' म्हणून जबाबदारी स्वीकारली होती.

याबाबत फ्रँचायझीने म्हटले आहे, "मलिंगा मुंबई इंडियन्स कुटुंबाचा एक अविभाज्य भाग राहिला आहे आणि फ्रँचायझीच्या इतिहासातील सर्वात प्रतिष्ठित व्यक्तींपैकी एक आहे. मुंबई इंडियन्सच्या गोलंदाजी आक्रमणाचे नेतृत्व करण्यापासून ज्यामध्ये त्याने चार आयपीएल विजेतेपदे आणि २०११ च्या चॅम्पियन्स लीग टी २० विजयात निर्णायक भूमिका बजावली होती. ते पुन्हा संघात मेंटॉर आणि प्रशिक्षक म्हणून परतण्यापर्यंत त्याचा मुंबई इंडियन्ससोबतचा प्रवास अत्यंत खास राहिला आहे. त्याची जिद्द, स्पर्धात्मक वृत्ती आणि संघाप्रती असलेली निष्ठा यांनी अनेक पिढ्यांतील खेळाडूंना प्रेरित केले आहे. त्याचा वारसा नेहमीच मुंबई इंडियन्सचा एक महत्त्वाचा भाग राहील."

विशेष म्हणजे, मुंबई इंडियन्सने आगामी सीझनपूर्वी श्रीलंकेचे माजी कर्णधार माहेला जयवर्धने यांना मुख्य प्रशिक्षकपदावरून हटवले आहे. त्यांच्या जागी वेस्ट इंडिजचे माजी अष्टपैलू खेळाडू कायरन पोलार्ड यांची नियुक्ती करण्यात आली आहे. पोलार्ड गेल्या काही हंगामांपासून संघाचे फलंदाजी प्रशिक्षक म्हणून काम करत होते. 

Mumbai Indians today announced that Lasith Malinga, Paras Mhambrey and Carl Hopkinson will be moving on from their respective roles in the men’s team coaching setup, thanking each of them for their commitment, contribution and service to the franchise. Their commitment, the relationships they have built and the memories they have helped create will always be part of our journey. We wish each of them the very best in their future endeavours. https://t.co/iQhgBABx2W

— Mumbai Indians (@mipaltan) October 29, 2026

पोलार्डने २००९-२०१० पासून २०२२ मधील आपल्या शेवटच्या सामन्यापर्यंत आयपीएलमध्ये केवळ मुंबई इंडियन्ससाठीच खेळले. फ्रँचायझीसाठी खेळलेल्या १८९ आयपीएल सामन्यांमध्ये त्याने १४७.३२ च्या स्ट्राईक रेटने ३,४१२ धावा केल्या आणि ६९ बळी घेतले. मुंबई इंडियन्स ही आयपीएलमधील सर्वात यशस्वी संघांपैकी एक आहे. त्यांनी शेवटचे विजेतेपद २०२० मध्ये जिंकले होते.