नवी दिल्ली : अंडर-१९ आशिया कपमध्ये नवव्यांदा विजेतेपद मिळवण्यासाठी भारताला या शनिवारी अल अमरात येथे होणाऱ्या अंतिम सामन्यात गतविजेत्या पाकिस्तानविरुद्ध सर्वोत्तम कामगिरी करावी लागेल. हा सामना भारतीय प्रमाणवेळेनुसार सकाळी १०:३० वाजता सुरू होईल. स्पर्धेत सर्वाधिक धावा करणारा आर्यवीर सेहवाग आणि ईशान सूद यांसारखे महत्त्वाचे खेळाडू या सामन्यात निर्णायक भूमिका बजावतील.

गुरुवारी झालेल्या अंडर १९ पुरुष आशिया कप २०२६ च्या दुसऱ्या उपांत्य फेरीत भारताने अफगाणिस्तानचा ८ गडी राखून पराभव करत अंतिम फेरीत धडक मारली. त्यामुळे भारताचा सामना पाकिस्तानशी होणार आहे. गेल्या वर्षी पाकिस्तानने भारताचा १५१ धावांनी पराभव करून दुसरे विजेतेपद पटकावले होते. भारतीय संघ आता त्या पराभवाचा तसेच या स्पर्धेच्या साखळी फेरीत पाकिस्तानकडून मिळालेल्या पराभवाचा बदला घेण्याच्या उद्देशाने मैदानात उतरेल. त्याचबरोबर, नवव्यांदा ही ट्रॉफी जिंकून आपला विक्रम अधिक भक्कम करण्याचा भारताचा प्रयत्न असेल.

अंडर-१९ भारताचा संघ

लक्ष्य रायचंदानी (कर्णधार), आर्यवीर सेहवाग, व्ही. के. विनीत, यशवर्धन सिंग चौहान (उपकर्णधार), कुशाग्र ओझा, अर्जुन राजपूत, मनाल चौहान, अन्वय द्रविड (यष्टीरक्षक), रजत बघेल (यष्टीरक्षक), व्ही. यशवीर, आर्यन सावसानी, मोहित उलवा, काव्या पटेल, शाविन विनोद, ईशान सूद.

अंडर-१९ पाकिस्तानचा संघ

फरहान युसूफ (कर्णधार), हुजैफा अहसान, उस्मान खान, हयाम खान, हसनैन अब्बास दार, जहांगीर बिलाल, अहमद हुसेन, नकाब शफीक, हमझा जहूर, अब्दुल सुभान, अली रझा, मोहम्मद हुजैफा, मोहम्मद सय्याम, रिझवानुल्ला, अब्दुल कादिर.