नवी दिल्ली : आयसीसीने २०२७ च्या विश्वचषकाचे वेळापत्रक जाहीर केले आहे. भारतीय संघाचा समावेश 'गट अ' (Group A) मध्ये करण्यात आला असून त्यांचा पहिला सामना ऑस्ट्रेलियाविरुद्ध होणार आहे. विश्वचषकाच्या या सीझनमध्ये एकूण १४ संघ सहभागी होत आहेत. भारत आपल्या मोहिमेची सुरुवात ७ ऑक्टोबर रोजी केप टाऊनमधील न्यूलँड्स स्टेडियमवर गतविजेत्या ऑस्ट्रेलियाविरुद्ध करेल. शुभमन गिलच्या नेतृत्वाखालील भारतीय संघ १० ऑक्टोबर रोजी पाकिस्तानशी भिडणार आहे.

भारताचे २०२७ विश्वचषक वेळापत्रक

आंतरराष्ट्रीय क्रिकेट परिषदेने (ICC) गुरुवारी पुरुष एकदिवसीय विश्वचषकाचे वेळापत्रक जाहीर केले. ही स्पर्धा पुढील वर्षी आफ्रिका खंडात आयोजित केली जाणार आहे. भारत आपल्या स्पर्धेतील मोहिमेची सुरुवात ७ ऑक्टोबर रोजी केप टाऊनमध्ये गतविजेत्या ऑस्ट्रेलियाविरुद्ध करेल.

शुभमन गिलच्या नेतृत्वाखालील संघ १० ऑक्टोबर रोजी जोहान्सबर्गमधील वांडरर्स स्टेडियमवर कट्टर प्रतिस्पर्धी पाकिस्तानशी सामना करेल. त्यानंतर १४ ऑक्टोबर रोजी त्शवाने येथे भारताचा सामना अफगाणिस्तानशी होईल. त्यानंतर १७ ऑक्टोबर रोजी सेंच्युरियन येथे पात्रता फेरीतील एका संघाविरुद्ध सामना होईल आणि २४ ऑक्टोबर रोजी नव्याने बांधलेल्या व्हिक्टोरिया फॉल्स स्टेडियमवर सह-यजमान झिम्बाब्वेविरुद्ध सामना खेळला जाईल.

विश्वचषकाची सुरुवात २ ऑक्टोबरला

गट फेरीतील १२ संघांची प्रत्येकी सहा संघांच्या दोन गटांत विभागणी करण्यात आली आहे. 'गट अ' मध्ये भारत, अफगाणिस्तान, ऑस्ट्रेलिया, पाकिस्तान, झिम्बाब्वे आणि 'क्वालिफायर-ए' (पात्रता फेरीतील संघ) यांचा समावेश आहे, तर 'गट ब' मध्ये बांगलादेश, इंग्लंड, श्रीलंका, दक्षिण आफ्रिका, न्यूझीलंड आणि 'क्वालिफायर-बी' यांचा समावेश आहे.

𝗧𝗵𝗲 𝘄𝗮𝗶𝘁 𝗶𝘀 𝗼𝘃𝗲𝗿! ⌛

Here's a look at #TeamIndia's group stage fixtures for the ICC Men's Cricket World Cup 2️⃣0️⃣2️⃣7️⃣ 🇮🇳 🗓️#CWC27 pic.twitter.com/0iUNMRfymW

— BCCI (@BCCI) October 1, 2026

विश्वचषकाची सुरुवात २ ऑक्टोबर रोजी होईल आणि अंतिम सामना २१ नोव्हेंबर रोजी जोहान्सबर्गमधील वांडरर्स स्टेडियमवर खेळवला जाईल. याच मैदानावर २००३ च्या एकदिवसीय विश्वचषकाचा अंतिम सामना खेळला गेला होता. पहिला उपांत्य सामना १७ नोव्हेंबर रोजी केप टाऊनमध्ये आणि दुसरा उपांत्य सामना १८ नोव्हेंबर रोजी त्शवाने येथे खेळवला जाईल. झिम्बाब्वे आपले गट फेरीतील पाचही सामने आपल्या मायदेशात खेळेल.

दोन उपांत्य सामने अनुक्रमे १७ आणि १८ नोव्हेंबर रोजी केप टाऊन आणि सेंच्युरियन येथे खेळले जातील, तर अंतिम सामना २१ नोव्हेंबर रोजी वांडरर्स स्टेडियमवर होईल.

भारताचे क्रिकेट विश्वचषक वेळापत्रक

भारत विरुद्ध ऑस्ट्रेलिया – ७ ऑक्टोबर

भारत विरुद्ध पाकिस्तान – १० ऑक्टोबर

भारत विरुद्ध अफगाणिस्तान – १४ ऑक्टोबर

भारत विरुद्ध पात्रता फेरीतील संघ 'अ' – १७ ऑक्टोबर

भारत विरुद्ध झिम्बाब्वे – २४ ऑक्टोबर