सावंतवाडी : सिंधुदुर्ग सैनिक स्कूल, आंबोली येथे जिल्हा क्रीडा परिषद सिंधुदुर्ग व जिल्हा क्रीडा अधिकारी, कार्यालय सिंधुदुर्ग यांच्या संयुक्त विद्यमानाने शालेय हॉकी स्पर्धा व नेहरू कप हॉकी स्पर्धा संपन्न झाल्या. या स्पर्धेमध्ये एकूण आठ संघाने सहभाग घेतला होता. स्पर्धेचे उद्घाटन सहाय्यक जिल्हा क्रिडा अधिकारी श्री. रणदिवे यांच्या हस्ते करण्यात आले. यावेळी प्रशालेचे प्राचार्य एन.डी. गावडे, ज्येष्ठ शिक्षक आर. आर. गावडे, ए.एस. गावडे उपस्थित होते. उद्घाटन कार्यक्रमात आर.आर.गावडे व सहा. क्रीडा अधिकारी श्री. रणदिवे यांनी खेळाडूंना मार्गदर्शन केले.

 14 वर्षे गटात सैनिक स्कूल, आंबोलीने स्टेपिंग स्टोन ग्लोबल स्कूल कोलगाव संघाचा 6-0 असा एकतर्फी विजय मिळवला. तसेच 15 वर्षे गटात सैनिक स्कूलने स्टेपिंग स्टोन कोलगावला 1-0 ने  पराभूत केले. 17 आणि 19 गटांमध्ये ही सैनिक स्कूल आंबोली या संघाला विजयी घोषित करून विभाग स्तरासाठी निवड करण्यात आली. हॉकी स्पर्धेत 14, 15, 17 आणि 19 गटात सैनिक स्कूलने दणदणीत विजय संपादन करून विभाग स्तरासाठी पात्र ठरले आहेत. या स्पर्धेत आदर्श अष्टेकर, अरिंदम पवार आणि रुद्र शेट्टी यांनी उत्कृष्ट खेळाचे प्रदर्शन केले. सर्व विजयी संघातील खेळाडूंचे आणि त्यांचे प्रशिक्षक एम.एम.देसाई यांचे अभिनंदन संस्था अध्यक्ष सुनील राऊळ, संचालक  जाॅय डॉन्टस, कार्यालयीन सचिव दिपक राऊळ व सर्व संचालक मंडळ आणि प्राचार्य एन.डी. यांनी गावडे यांनी केले. तसेच सर्व खेळाडूंना विभाग स्तरीय निवडीबाबत शुभेच्छा दिल्या.