रोमेनिया : एका खेळाडूने आंतरराष्ट्रीय क्रिकेटमध्ये पदार्पण केले आणि आता वयाच्या ५१ व्या वर्षी एका डावात पाच बळी घेण्याचा पराक्रम करून इतिहास रचला आहे. 'आयल ऑफ मॅन'ची क्रिकेटपटू जोआन हिक्स हिने वयाच्या ४७ व्या वर्षी आंतरराष्ट्रीय क्रिकेटमध्ये पदार्पण केले होते.
पुरुष आणि महिला अशा दोन्ही प्रकारच्या क्रिकेटमध्ये ही कामगिरी करणारी ती सर्वात वयस्कर गोलंदाज ठरली आहे. तिने ९६ वर्षांपासून अबाधित असलेला विक्रम मोडीत काढला आहे.
ग्रीस महिला संघाविरुद्ध खेळताना या उजव्या हाताच्या ऑफ-स्पिनरने तिच्या कारकिर्दीतील तिसऱ्यांदा टी-२० आंतरराष्ट्रीय सामन्यात एका डावात पाच बळी घेण्याची कामगिरी केली. तिने केवळ १० धावांत पाच बळी घेतले.
हिक्सच्या उत्कृष्ट गोलंदाजीमुळे ग्रीक संघाचा डाव १५ षटकांत अवघ्या ५२ धावांत आटोपला. 'आयल ऑफ मॅन' संघाने पॉवरप्लेमध्येच नऊ गडी राखून हे लक्ष्य सहजपणे गाठले.
हिक्सने वयाच्या ५१ वर्षे आणि १७३ दिवस इतक्या वयात पाच बळी घेण्याचा हा पराक्रम केला. असे करून, आंतरराष्ट्रीय क्रिकेटमध्ये वयाच्या ५० वर्षांनंतर पाच बळी घेणारी ती पहिली गोलंदाज ठरली.
हिक्सच्या या ऐतिहासिक कामगिरीने ९४ वर्षांपूर्वीचा विक्रम मोडीत काढला आणि तिला आंतरराष्ट्रीय क्रिकेटमध्ये पाच बळी घेणारी सर्वात वयस्कर गोलंदाज बनवले.
