सिंधुदुर्ग : सिंधुदुर्ग आणि रत्नागिरी जिल्ह्यातील BSNL टॉवर्सना आवश्यक असलेल्या बॅटरिंची व इतर इक्विपमेंटची जोड मिळावी, तसेच सातत्याने बंद पडणाऱ्या टॉवर्सची यंत्रसामग्री नवीन बसवावी, जेणेकरून कोकणवासीयांना मोबाईल कनेक्टीविटी मध्ये अडथळा निर्माण होणार नाही आणि नवीन मंजूर झालेल्या 4G टॉवर्सचे काम लवकरात लवकर सुरू करावे, या व इतर मागण्यांसाठी BSNL महाराष्ट्र टेलिकॉम सर्कलचे CGM रोहित शर्मा यांची बुधवारी खासदार व शिवसेना सचिव विनायक राऊत यांनी मुंबई येथे भेट घेतली.
या भेटीदरम्यान BSNL महाराष्ट्र टेलिकॉम सर्कलचे CGM श्री. शर्मा यांनी आवश्यक असलेल्या सर्व उपकरणांची लवकरात लवकर पूर्तता करण्यात येईल, तसेच वारंवार बंद पडणाऱ्या टॉवर संबंधित तातडीने उपाययोजना करण्याचे आदेश संबंधित अधिकाऱ्यांना देण्यात येतील अशी ग्वाही खासदार राऊत यांना दिल्याचे खासदार कार्यालयाकडून सांगण्यात आलंय.
