कणकवली : कणकवली शहरासह आजूबाजूच्या गावांमध्ये आज परतीच्या पावसाने जोरदार हजेरी लावली. सोसाट्याचा वारा, विजांचा लखलखाट आणि ढगांच्या गडगडाटासह पावसाच्या जोरदार सरी बरसण्यास सुरुवात झाली. अचानक आलेल्या पावसामुळे परिसरात पावसाळी वातावरण निर्माण झाले.

सिंधुदुर्ग जिल्ह्यासाठी हवामान विभागाकडून शुक्रवारी दुपार नंतर यलो अलर्ट जारी करण्यात आला होता. तसेच जिल्ह्यात पावसाची शक्यता हवामान विभागाने वर्तवली होती. त्यानुसार जिल्ह्यातील काही तालुक्यात पावसाने हजेरी लावली. वारा आणि विजांच्या कडकडाटासह सुरू झालेल्या पावसामुळे नागरिकांनी सतर्क राहण्याची गरज आहे.