नवी दिल्ली : ओटीटी प्लॅटफॉर्म्सवर सस्पेन्स, क्राईम आणि थराराने भरलेले काही सिरिज तसेच चित्रपट प्रेक्षकांसाठी येत्या शुक्रवारी १३ नोव्हेंबर २०२६ रोजी उपलब्ध होणार आहेत. जर तुम्ही या वीकेंडला काहीतरी रोमांचक आणि रहस्यमय पाहण्याचा विचार करत असाल तर नेटफ्लिक्स, जिओहॉटस्टार, झी५ आणि ॲपल टीव्हीवर काही नवीन चित्रपट आणि वेब सीरिज रिलिज होत आहेत.  

यामध्ये स्टुडंट ऑफ द इयर: आफ्टर डार्क (Student Of The Year: After Dark) ही वेबसिरीज जिओ हॉटस्टार (JioHotstar) वर रिलिज होणार असून टीन मिस्ट्री, कॅम्पस थ्रिलरवर आधारित आहे.

हार्टलँड (Heartland) ही सिरिज नेटफ्लिक्सवर (Netflix) रिलिज होत असून मिस्ट्री थ्रिलर, क्राईम ड्रामावर आधारित आहे.

दायरा (Daayra) हा चित्रपट ओटीटी प्लॅटफॉर्म नेटफ्लिक्स (Netflix)वर रिलिज होणार असून क्राईम थ्रिलर, इन्व्हेस्टिगेटिव्ह ड्रामावर चित्रपट आधारित आहे. मेघना गुलजार दिग्दर्शित या चित्रपटात पृथ्वीराज सुकुमारन आणि करीना कपूर खान आमनेसामने आहेत.

वांद्रे (Bandra) हा चित्रपट झी 5 (ZEE5) वर रिलिज होणार असून क्राईम ड्रामा, रिव्हेंज थ्रिलर, ॲक्शनवर हा चित्रपट आधारित आहे.

12 12 12 ही वेबसिरिज ऍप्पल टीव्हीवर रिलिज होत आहे. ही हेइस्ट थ्रिलर, क्राईम ॲक्शनवर आधारित आहे. ही सिरिज झुरिचमधील एका मोठ्या बँक दरोड्याभोवती फिरते. 

मर्डर इन गॅलिसिया ही सिरिज नेटफ्लिक्सवर रिलिज होणार असून क्राईम ड्रामा, मिस्ट्री थ्रिलरवर आधारित आहे. सत्य घटनांवर आधारित ही कथा एका रात्री एका महिलेवर झालेल्या हल्ल्यापासून सुरू होते. 

रणाबाली (Ranabaali) हा नाट्यमय चित्रपट नेटफ्लिक्स (Netflix)वर रिलिज होत असून पिरियड ॲक्शन ड्रामा, ऐतिहासिक नाट्यावर आधारित आहे. राहुल सांकृत्यान दिग्दर्शित हा चित्रपट १८७० च्या दशकातील आहे. तेलुगूव्यतिरिक्त, हा चित्रपट हिंदी, तमिळ, कन्नड आणि मल्याळम भाषांमध्येही उपलब्ध असेल.

पारिवारिक मनोरंजन (Parivarik Manoranjan) हा चित्रपट सोनीलिव्ह (SonyLIV)वर रिलिज होणार आहे. हा चित्रपट रोमँटिक कॉमेडी, फॅमिली ड्रामावर आधारित आहे. या चित्रपटाद्वारे पंकज त्रिपाठी आणि अदिती राव हैदरी पहिल्यांदाच पडद्यावर एकत्र येत आहेत.