
मालवण : आनंदव्हाळ- भोसलेवाडी येथे धामापूर-मालवण नळपाणी योजनेच्या पाइपलाइनसाठी खोदकाम करण्यात आले आहे. मात्र, खोदलेले चर बुजविण्याचे काम अर्धवट स्थितीत ठेवल्याने परिसरातील ग्रामस्थांना मोठ्या अडचणींचा सामना करावा लागत आहे. या उघड्या चरांमध्ये ग्रामस्थ तसेच मुकी जनावरे पडण्याची शक्यता निर्माण झाली असून, अपघाताचा गंभीर धोका निर्माण झाला आहे.
पाइपलाइनचे काम पूर्ण झाल्यानंतर खोदलेले चर व्यवस्थित बुजविणे आणि परिसर पूर्ववत करणे आवश्यक असताना याकडे दुर्लक्ष होत असल्याचे चित्र आहे. रात्रीच्या वेळी हे चर दिसून येत नसल्याने पादचारी, वाहनचालक तसेच जनावरांसाठी हा परिसर धोकादायक बनला आहे.
एखादी दुर्घटना घडून जीवितहानी होण्याची वाट प्रशासन पाहत आहे का, असा संतप्त सवाल ग्रामस्थ, वाहन चालकांकडून उपस्थित केला जात आहे. संबंधित ठेकेदार आणि प्रशासनाने तातडीने लक्ष घालून खोदलेले चर बुजवावेत अशी मागणी होत आहे.
ताजी बातमी
View all




संबंधित बातम्या
View all








