
कणकवली : रविवारी रात्री नऊ ते साडे दहाच्या सुमारास पुणे येथील एका महिलेने कणकवलीत बसस्थानक परिसरातील एका हॉटेलमध्ये आणि नंतर रस्त्यावर येऊन सार्वजनिक ठिकाणी मद्यधुंद अवस्थेत जोरदार धिंगाणा घातला. पोलिसांनी तिला आवरण्याचा प्रयत्न केला असता पोलिसांनाही अश्लील शिवीगाळ केली. त्यानंतर तिला कणकवली पोलीस स्थानकात नेण्यात आले. तिथेही तिने पोलिसांना शिवीगाळ करत धक्काबुक्की केली. तर एका अधिकाऱ्याला थापटाने मारत शासकीय कामकाजात अडथळा आणला. याप्रकरणी सदर महिलेवर कणकवली पोलिसांनी गुन्हा दाखल केला आहे.
याबाबत मिळालेल्या माहितीनुसार, रविवारी रात्री नऊच्या सुमारास कणकवलीतील एका हॉटेलमधून 112 क्रमांक डायल करून एक महिला हॉटेलमध्ये धिंगाणा घालत असल्याचे कळविण्यात आले. त्यानंतर दोन पोलीस कर्मचारी घटनास्थळी गेले. त्यावेळी ती महिला रस्त्यावर उतरून जोर जोरात ओरडत अश्लील शिव्या घालत होती. या प्रकारामुळे त्या ठिकाणी गर्दी जमून वाहतूक कोंडी झाली. प्रकाराचे गांभीर्य लक्षात घेत पोलीस कर्मचाऱ्यांनी महिला पोलीस कर्मचाऱ्यांना त्या ठिकाणी बोलाविले.
महिला कर्मचाऱ्यांनी परिस्थिती नियंत्रणात आणण्यासाठी महिलेची समजुत घालण्याचा प्रयत्न केला. मात्र त्या महिलेने पोलिसांना अश्लील शिवीगाळ करत धक्काबुक्की केली. त्यानंतर महिलेला पोलिसांनी कणकवली पोलीस ठाण्यात नेले. पोलिस स्थानकात त्या महिलेने गोंधळ घातला तसेच पोलिसांना शिवीगाळ केली. यावेळी एका महिला पोलीस हवालदराच्या वर्दीवर हात घालत शिवीगाळ केली.
त्याचवेळी कणकवली पोलीस ठाण्याच्या प्रभारी पोलीस अधिकाऱ्यांच्या खांद्याजवळ थापटाने मारून शासकीय कामकाजात अडथळा आणण्याचा प्रयत्न केला. याप्रकरणी त्या महिलेवर पोलिसांनी सार्वजनिक ठिकाणी असभ्य वर्तन आणि शिवीगाळ करत पोलिसांना धक्काबुक्की व शासकीय कामात अडथळा या कलमाखाली तिच्यावर गुन्हा दाखल केला आहे.
ताजी बातमी
View all




संबंधित बातम्या
View all








