
मालवण : ऑनलाइन आर्थिक व्यवहारांच्या माध्यमातून होणाऱ्या फसवणुकीचे प्रकार वाढत असतानाच आचरा येथील एका व्यापाऱ्याला सायबर भामट्यांनी ९२ हजार रुपयांचा गंडा घातल्याची घटना उघडकीस आली आहे. संतोष तुळशीदास सामंत यांच्या बँक खात्यातून त्यांच्या माहितीशिवाय रक्कम वळती करण्यात आल्याने खळबळ उडाली आहे.
आचरा पोलिसांनी दिलेल्या माहितीनुसार, संतोष सामंत यांनी याप्रकरणी सायबर तक्रार दाखल केली आहे. तक्रारीमध्ये एकूण ९२ हजार रुपयांची आर्थिक फसवणूक झाल्याचे नमूद करण्यात आले आहे. बँक खात्यातील रक्कम परस्पर काढून घेण्यात आल्याचा प्रकार घडला आहे.
तक्रारीतील व्यवहाराच्या तपशिलानुसार, १७ नोव्हेंबर २०२६ रोजी दुपारी २.२५ वाजण्याच्या सुमारास फोनपे यूपीआयच्या माध्यमातून बँक ऑफ महाराष्ट्रमधील खात्यातून १२ हजार रुपयांचा व्यवहार झाल्याची नोंद आहे. दरम्यान, २१ हजार ९९९ रुपयांची रक्कम होल्ड करण्यात आल्याचेही म्हटले आहे.
क्रेडेन्शियल चोरी, बनावट ओळख किंवा ओळख चोरीच्या माध्यमातून ही फसवणूक झाल्याचा संशय व्यक्त करण्यात आला आहे. या घटनेमुळे ऑनलाइन आर्थिक व्यवहारांच्या सुरक्षिततेचा प्रश्न पुन्हा ऐरणीवर आला आहे. नागरिकांनी अनोळखी लिंकवर क्लिक करू नये, बँक खात्याची गोपनीय माहिती, ओटीपी अथवा यूपीआय पिन कोणालाही देऊ नये असे आवाहन करण्यात येत आहे.
ताजी बातमी
View all




संबंधित बातम्या
View all








