
सिंधुदुर्ग : आकारीपड जमिनींच्या वाटपाचा प्रलंबित प्रश्न मार्गी लावण्यासाठी शुक्रवार २० नोव्हेंबर रोजी सकाळी १० वाजता कुडाळ तालुक्यातील गोठोस तिठा येथे महत्त्वपूर्ण मेळाव्याचे आयोजन करण्यात आले आहे. कुडाळ मालवणचे शिवसेनेचे आमदार निलेश राणे यांच्या अध्यक्षतेखाली आणि शिवसेना जिल्हाप्रमुख दत्ता सामंत यांच्या प्रमुख उपस्थितीत हा मेळावा पार पडणार आहे. त्यामुळे या मेळाव्याकडे संपूर्ण सिंधुदुर्ग जिल्ह्यातील आकारीपड जमीनधारकांचे लक्ष लागले आहे.
माणगाव खोर्यातील आकारीपड जमिनींच्या वाटपाचा प्रश्न गेल्या अनेक वर्षांपासून प्रलंबित आहे. मुंबई उच्च न्यायालयाने आकारीपड जमिनींचे वाटप करण्याबाबत आदेश दिलेले असतानाही महसूल विभागाकडून प्रत्यक्ष वाटप प्रक्रियेत अडथळे निर्माण होत असल्याची भावना जमीनधारकांमध्ये आहे. न्यायालयाच्या आदेशानंतरही जमिनींचा प्रश्न मार्गी लागत नसल्याने संबंधित जमीनधारकांमध्ये नाराजी व्यक्त होत आहे.
या पार्श्वभूमीवर उद्याच्या मेळाव्याला विशेष महत्त्व प्राप्त झाले आहे. आकारीपड जमिनींचा प्रश्न केवळ आमदार निलेश राणेच सोडवू शकतात, अशी आशा आणि विश्वास जमीनधारकांमध्ये निर्माण झाला आहे. त्यामुळे आमदार निलेश राणे या मेळाव्यात महसूल विभागाच्या अडथळ्यांबाबत कोणती भूमिका मांडतात? तसेच आकारीपड जमीनधारकांना प्रश्न सोडविण्यासाठी कोणते ठोस आश्वासन देतात? याबाबत उत्सुकता निर्माण झाली आहे.
न्यायालयाच्या आदेशाची अंमलबजावणी नेमकी कधी होणार? महसूल विभागाकडून निर्माण होणारे अडथळे कसे दूर केले जाणार? तसेच आकारीपड जमीनधारकांना त्यांच्या जमिनींचे वाटप कधी मिळणार? असे अनेक प्रश्न या मेळाव्यात उपस्थित होण्याची शक्यता आहे.
अनेक वर्षांपासून प्रलंबित असलेल्या या प्रश्नाला उद्याच्या मेळाव्यातून निर्णायक दिशा मिळणार का? याकडे आता संपूर्ण माणगाव खोर्याचे लक्ष लागले आहे. माणगाव खोऱ्यातील आकारीपड आणी वहीवाट धारक जास्तीत जास्त शेतकऱ्यांनी उपस्थित राहण्याचे आवाहन याचिकाकर्ते आणि आकारीपड कृती समिती यांच्यावतीने उपस्थित राहण्याचे आवाहन करण्यात आले आहे.
ताजी बातमी
View all




संबंधित बातम्या
View all








