
कुडाळ : येथील बॅ. नाथ पै सेंट्रल स्कूलच्या कु. नीरजा राजेश पवार या इयत्ता तिसरीच्या विद्यार्थीनीने 3र्या महाराष्ट्र राज्य सब-जूनियर बॅडमिंटन अजिंक्यपद स्पर्धेत 9 वर्षाखालील एकेरी गटात सर्वोत्कृष्ट खेळाचे प्रदर्शन करीत सुवर्णपदकावर आपले नाव कोरले. ही स्पर्धा YONEX-SUNRISE GH RAISONI MEMORIAL व नागपूर जिल्हा बॅडमिंटन असोसिएशनच्या वतीने घेण्यात आल्या होत्या.
दरम्यान, याच प्रशालेच्या कु. देवांश योगेश कोळी या इयत्ता दुसरीतील विद्यार्थ्याने उपांत्यपूर्व फेरीत प्रवेश करीत महाराष्ट्रात 8 व्या क्रमांकावर झेप घेतली. दरम्यान बॅ. नाथ पै शिक्षण संस्थेचे अध्यक्ष उमेश गाळवणकर, मुख्य कार्यकारी अधिकारी अमृता गाळवणकर, प्रशालेच्या प्राचार्या चैताली बांदेकर, ज्येष्ठ क्रीडा शिक्षक रोहिदास राणे, सर्व शिक्षक वृंदाकडून या अष्टपैलू खेळाडूवर अभिनंदनाचा वर्षाव होत असून त्यांच्या उज्ज्वल भवितव्यासाठी सर्वानी शुभेच्छा दिल्या आहेत.
ताजी बातमी
View all




संबंधित बातम्या
View all








