मंगलुरू : आपल्या देशात जुगाड आणि कल्पकतेची कमी नाही आहे. याचाच प्रत्यय सध्या सोशल मीडियावर व्हायरल होत असलेल्या एका व्हिडीओतून दिसत आहे. कर्नाटकातील मंगलुरू शहरातील एका तरुणाने आपल्या दुचाकीलाच फिरते पंक्चरचे दुरुस्ती केंद्र बनवले आहे. त्याच्या या भन्नाट कल्पनेची सध्या सोशल मीडियावर जोरदार चर्चा सुरू आहे.
अनेकदा प्रवास करताना अचानक गाडीचा टायर पंक्चर होतो. अशावेळी जवळपास मेकॅनिक नसेल तर वाहन ढकलत न्यावे लागते किंवा मदतीसाठी बराच वेळ वाट पाहावी लागते. मात्र, मंगलुरूमधील या तरुणाने याच समस्येवर भन्नाट उपाय शोधला आहे. म्हणजेच पंक्चर काढण्यासाठी लागणारे जवळपास सर्व साहित्य त्याने दुचाकीवरच व्यवस्थित बसवले आहे.
एखाद्या वाहनचालकाची गाडी रस्त्यात पंक्चर झाली की हा तरुण थेट घटनास्थळी पोहोचतो आणि तिथेच दुरुस्ती करून देतो. या कल्पक व्यवसायाचा व्हिडीओ व्हायरल झाल्यानंतर अनेकांनी या तरुणाचे कौतुक केले आहे.
दरम्यान, या व्हिडीओवर नेटकऱ्यांनी भन्नाट प्रतिक्रिया दिल्या आहेत. रात्रीच्या वेळी किंवा महामार्गावर गाडी पंक्चर झाल्यास अशी सेवा खूप उपयोगी ठरू शकते, असे अनेकांनी म्हटले आहे. काहींनी तर प्रत्येक शहरात अशी सुविधा उपलब्ध असावी, अशी अपेक्षा व्यक्त केली आहे.
विशेष म्हणजे, ही संकल्पना इतर शहरांमध्येही सुरू करण्याची तयारी असल्याचे पोस्ट शेअर करणाऱ्या युजरने सांगितले आहे. दिल्ली-एनसीआर, बेंगळुरू, मुंबई, हैदराबाद आणि जयपूर यांसारख्या मोठ्या शहरांमध्ये हा व्यवसाय सुरू करण्याची इच्छा असणाऱ्यांना स्कूटर उपलब्ध करून देण्याची ऑफर देण्यात आली आहे.
ताजी बातमी
View all
संबंधित बातम्या
View all
