मुंबई : सप्टेंबर महिन्यामध्ये विविध राज्ये आणि शहरांमध्ये बँका एकूण १४ दिवस बंद राहणार आहेत. यात चार रविवार आणि दुसऱ्या व चौथ्या शनिवारव्यतिरिक्त विविध ठिकाणी आणखी आठ दिवस बँकेचे कामकाज बंद राहणार आहे. त्यामुळे सप्टेंबर महिन्या जर तुमचे बॅंकेत काही तातडीचे काम असल्यास या सुट्ट्यांचे दिवस सोडून इतर दिवशी बॅंकेत जाऊ शकता.

बॅंकांचा चार दिवस संप 

देशातील नऊ प्रमुख बँकांच्या कर्मचारी आणि अधिकाऱ्यांचे प्रतिनिधित्व करणाऱ्या 'युनायटेड फोरम ऑफ बँक युनियन्स' या संघटनेने ११ सप्टेंबर रोजी देशव्यापी संप पुकारला आहे. आठवड्यातून पाच दिवस काम ही बँक युनियन्सची एक प्रमुख मागणी आहे. तसेच २८ सप्टेंबरपासून म्हणजेच 28, 29, 30 सप्टेंबर असा तीन दिवसांचा संप आणि २६ ऑक्टोबरपासून बेमुदत संप करण्याचा इशाराही संघटनेने दिला आहे.

सप्टेंबर महिन्यात एकूण ८ दिवस सुट्ट्या

संपामुळे बँकेचे कामकाज बंद राहाणार असून सप्टेंबरमध्ये ८ दिवस बॅंकांना सुट्ट्या आहेत. यामध्ये ६ सप्टेंबर, १२ सप्टेंबर, १३ सप्टेंबर, २० सप्टेंबर, २६ सप्टेंबर आणि २७ सप्टेंबर अशा ६ साप्ताहिक सुट्ट्यांचा समावेश आहे. याशिवाय ४ सप्टेंबर रोजी जन्माष्टमीची सुट्टी असल्याने देशातील बहुतांश राज्यांमध्ये बँका बंद राहतील. तसेच, १४ सप्टेंबर रोजी गणेश चतुर्थी सणामुळे विविध राज्यांमध्ये बँका बंद राहतील.