LIVE UPDATES

Sindhudurg to Navi Mumbai Flight : सिंधुदुर्ग-नवी मुंबई विमानसेवेचे बुकिंग सुरू

१६ नोव्हेंबरला पहिल्या विमानाचे उड्डाण : पालकमंत्री नितेश राणे यांची 'येवा, कोकण आपलोच आसा' म्हणत प्रवासी व पर्यटकांना साद
Edited by: कोकणसाद LIVE NEWS नेटवर्क
Published on: November 05, 2026 04:15 PM
views 501  views
Fly91 daily flight service between Sindhudurg Chipi Airport and Navi Mumbai starting November 16, 2026.

सिंधुदुर्ग : सिंधुदुर्ग (चिपी) ते नवी मुंबई विमानसेवेच्या तिकिटांचे बुकिंग सुरू झाले असून, येत्या १६ नोव्हेंबर २०२६ रोजी या मार्गावरील fly91 विमानाचे उड्डाण होणार आहे. विशेष म्हणजे, आता आठवड्यातील सातही दिवस ही विमानसेवा उपलब्ध होणार असल्याने कोकणवासीयांना मोठा दिलासा मिळणार आहे.

पालकमंत्री नितेश राणे यांनी आपल्या 'X' या सोशल मीडिया माध्यमावर पोस्ट करत ही माहिती दिली. 'येवा, कोकण आपलोच आसा!' असे म्हणत त्यांनी प्रवासी आणि पर्यटकांना या विमानसेवेचा लाभ घेण्याचे आवाहन केले आहे. या विमानसेवेमुळे सिंधुदुर्ग आणि नवी मुंबईदरम्यानचा प्रवास अधिक सुलभ आणि जलद होणार आहे. कोकणवासीय, पर्यटक, व्यावसायिक तसेच मुंबई आणि नवी मुंबईशी नियमित संपर्क ठेवणाऱ्या नागरिकांना याचा मोठा लाभ होणार आहे.

सिंधुदुर्ग जिल्ह्याच्या पर्यटन विकासाला चालना देण्यासोबतच जिल्ह्याची मुंबई महानगर प्रदेशाशी हवाई कनेक्टिव्हिटी अधिक मजबूत करण्याच्या दृष्टीने ही महत्त्वपूर्ण घडामोड ठरणार आहे.