देवगड : पालावरची दिवाळी २०२६ या कार्यक्रमा अंतर्गत मुख्यमंत्री देवेंद्र फडणवीस यांच्या मार्गदर्शनाखाली सध्या राज्यभर वंचित बांधवांसोबत दिवाळी साजरी करण्यात येत आहे. देवगड मंडल भाजपाच्या वतीने खासदार नारायण राणे, पालकमंत्री नितेश राणे, भाजपा जिल्हाध्यक्ष प्रभाकर सावंत, माजी आमदार अजितराव गोगटे यांच्या मार्गदर्शनाखाली दिवाळीच्या निमित्ताने मुणगे येथील कातकरी वस्तीवर जाऊन वंचित बंधू भगिनींसोबत दिवाळी साजरी करण्यात आली.

यावेळी पाड्यावर दिव्यांची रोषणाई करून दिवाळी फराळाचे वाटप केले. या प्रसंगी जि. प. सदस्य सुनील पारकर, तालुका उपाध्यक्ष गोविंद सावंत, भाजपा सरचिटणीस महेश जंगले, शिवदास रासम, बाप्पा निकम, सुनिल निकम उपस्थित होते.