सावंतवाडी : अभिनव फाउंडेशन सिंधुदुर्ग यांनी दिवाळी पाडव्याचे औचित्य साधून मंगळवार १० नोव्हेंबर रोजी दीपोत्सवाचे आयोजन केले आहे. ऐतिहासिक मोती तलावाच्या काठावर श्रीमंत शिवरामराजे पुतळ्यानजीक हा सोहळा संपन्न होणार असून मोतीतलाव हजारो दिव्यांच्या प्रकाशाने उजळून निघणार आहे. तसेच सेल्फी पॉईंट ही उभारण्यात येणार आहेत. 

यानिमित्त भव्य रील स्पर्धेचे आयोजन ही करण्यात आले असून स्पर्धकांनी या दीपोत्सवाची रील बनवून ती अभिनव फाउंडेशन च्या इन्स्टा अकाउंट ला टॅग करायची आहे. या स्पर्धेचे नियम अभिनव च्या AbhinavfoundationSindhudurga या फेसबुक आणि abhi. navfoundation या इन्स्टा अकाउंट ला उपलब्ध आहेत. 

या स्पर्धेसाठी वीर सावरकर पतसंस्था, सावंतवाडी यांनी प्रायोजित केलेली बक्षिसे प्रथम क्रमांक रु ३००१, द्वितीय रु २००१, आणि तृतीय रु १००१ अशी असून सन्मानचिन्हे ही विजेत्यांना प्रदान करण्यात येणार आहेत. इच्छुक स्पर्धकांनी या स्पर्धेत सहभागी व्हावे तसेच सर्व नागरिकांनी या दीपोत्सवात सहभागी होऊन हजारो दिव्यांच्या प्रकाशात उजळून निघणारा मोती तलाव याची देही याची डोळा पाहण्यासाठी उपस्थित रहावे असे आवाहन अभिनव फाउंडेशन तर्फे करण्यात आले आहे.