मुंबई : टीव्हीएस मोटर कंपनीने त्यांच्या लोकप्रिय एनटॉर्क 150 (NTORQ 150) स्कूटरमध्ये 'स्पेक्ट्रल ग्रीन' (Spectral Green) हा नवीन कलर लॉन्च केला आहे. हा नवीन कलर गेल्या महिन्यात एका डीलरशिपवर दिसला होता आणि आता तो अधिकृतपणे कंपनीच्या वेबसाइटवर देण्यात आला आहे. हा पर्याय केवळ 'टीएफटी' व्हेरिएंटसाठी आहे. 'स्पेक्ट्रल ग्रीन'च्या समावेशासह आता एनटॉर्क 150 टीएफटी एकूण चार कलरच्या पर्यायांमध्ये उपलब्ध आहे. यात नायट्रो ग्रीन, रेसिंग रेड आणि टर्बो ब्लू हे तीन कलर आहेत.

इतर कलरच्या पर्यायांच्या तुलनेत या नवीन कलरमध्ये गडद ऑलिव्ह ग्रीनचा वापर केला असून समोरच्या मडगार्डवर आणि मागील भागावर गडद पिवळ्या कलरचे हायलाइट्स दिले आहेत. या मध्ये काळ्या कलरची चाके दिली आहेत. तर इतर तीन कलर पर्यायांमध्ये अधिक उठावदार, चमकदार कलरची चाके पाहायला मिळतात. 

स्कूटरच्या मॅकेनिझममध्ये कोणताही बदल करण्यात आलेला नाही. एनटॉर्क 150 मध्ये १४९.७ सीसीचे, सिंगल-सिलेंडर, एअर-कूल्ड इंजिन आहे. हे इंजिन १३.२ एचपी पॉवर आणि १४.२ एनएम टॉर्क जनरेच करते. टीएफटी व्हेरिएंटमध्ये ५ इंचाचा कलर टीएफटी डिस्प्ले देण्यात आला आहे. याची किंमत १.२२ लाख रुपये (एक्स-शोरूम) इतकी आहे, तर स्टँडर्ड व्हेरिएंटची किंमत १.१३ लाख रुपये (एक्स-शोरूम) आहे.