नवी दिल्ली : बॉलिवूड अभिनेता अमिताभ बच्चन यांनी प्रकृती अस्वस्थ्य असल्यामुळे 'कौन बनेगा करोडपती'मधून काही काळासाठी विश्रांती घेतली होती. आता ते पुन्हा एकदा शोच्या सेटवर परतले असून शोच्या एका नवीन प्रोमोमध्ये अमिताभ बच्चन यांनी आपल्या प्रकृतीबद्दल माहिती दिली आहे. या शोचा पुढील भाग १६ नोव्हेंबर रोजी प्रसारित होणार आहे. अमिताभ बच्चन यांनी २००० मध्ये 'कौन बनेगा करोडपती'च्या पहिल्या पर्वाचे सूत्रसंचालन केले होते. त्यांनी या शोच्या दुसऱ्या पर्वाचेही सूत्रसंचालन केले होते. (Amitabh Bachchan Returns to KBC 18)

नवीन प्रोमोमध्ये अमिताभ बच्चन सेटवर पोहोचताना दिसत आहेत. एक स्पर्धक त्यांना त्यांच्या प्रकृतीबद्दल विचारतो, "तुमची प्रकृती ठीक नव्हती, आता कसे आहात सर?" यावर अमिताभ बच्चन आपल्या खास शैलीत त्या स्पर्धकाला विचारतात, "तुम्ही कसे आहात?" स्पर्धकाने "मी ठीक आहे" असे उत्तर दिल्यावर, अमिताभ म्हणतात, "जर तुम्ही ठीक असाल, तर मीही ठीक आहे."

यानंतर अमिताभ बच्चन म्हणतात, "तुमच्या सर्वांचे प्रेम, प्रार्थना आणि आशीर्वादांमुळे मी पुन्हा एकदा इथे परतलो आहे." या प्रोमोसोबतच, सोनीलिव्हने पुष्टी केली आहे की शोचा पुढील भाग १६ नोव्हेंबर रोजी प्रसारित होईल. मिळालेल्या माहितीनुसार, अमिताभ बच्चन यांना हंगामी फ्लू झाला होता. याचा त्यांच्या प्रकृतीवर परिणाम झाल्यामुळे त्यांना 'कौन बनेगा करोडपती १८' च्या चित्रीकरणातून काही काळासाठी ब्रेक घ्यावा लागला होता.

View this post on Instagram

A post shared by sonytvofficial (@sonytvofficial)