नवी दिल्ली : हिंदू वारसाहक्क कायदा, १९५६ च्या कलम १४(१) नुसार हिंदू विधवेला मिळालेला मर्यादित मालमत्ता हक्क पूर्ण मालकी हक्कात रूपांतरित होऊ शकतो, असा महत्त्वपूर्ण निर्णय सर्वोच्च न्यायालयाने दिला आहे.

खजानो यांच्या पहिल्या पतीच्या मालमत्तेतून मिळालेल्या शेतजमिनीवरून हा वाद निर्माण झाला होता. त्यांच्या दुसऱ्या विवाहातील चंद राम आणि चंदर भान या दोन मुलांनी सुमारे १८ एकर जमिनीवर वारसाहक्क मागितला होता. पहिल्या पतीच्या कुटुंबीयांनी त्याला विरोध केला. मात्र, सर्वोच्च न्यायालयाने संबंधित कायदेशीर तरतुदींचा विचार करून दुसऱ्या विवाहातील मुलांचा वारसाहक्क कायम ठेवला.