कॅनडामध्ये विमान कोसळून अपघात झाला आहे. या अपघातात मुंबईतील दोन शिकाऊ पायलटचा मृत्यू झाला आहे. तर आणखी एकाचा मृत्यू झाल्याची माहिती देखील समोर आली आहे. समोर आलेल्या माहितीनुसार, विमान परिसरातील एका झाडावर आदळल्यानंतर अपघात झाला. कॅनडातील व‌‌ँकूवरजवळील चिल्लीवॅक येथे हे विमान दुर्घटनाग्रस्त झाल्याची माहिती समोर आली आहे. या विमानामध्ये मुंबईचे दोन शिकाऊ पायलट होते, त्यांचा या अपघातात मृत्यू झाला आहे. या दोघांच्या कुटुंबियांना याबाबतची माहिती देण्यात आली आहे
अपघाताच नेमकं कारण अद्याप अस्पष्ट आहे. अपघातग्रस्त विमान वजनानं हलकं होतं. ते झाडावर आदळल्यानं कोसळलं. अपघातानंतर क‌ॅनडाच्या परिवहन सुरक्षा बोर्डाचे अधिकारी घटनास्थळी पोहोचले. त्यांच्याकडून अपघाताच्या कारणांचा शोध सुरू आहे. पाच रुग्णवाहिका आणि एक टीम घटनास्थळी पोहोचली आहे. परिस्थिती नियंत्रणात आहे. परिसरातील कोणालाही इजा झालेली नाही. घटनास्थळी दोन हवाई रुग्णवाहिका पाठवण्यात आल्या होत्या. पण नंतर त्यांना माघारी बोलावण्यात आलं.
