ओडिसा : ओडिशाचे आरोग्य आणि कुटुंब कल्याण मंत्रीआणि ज्येष्ठ बिजू जनता दल नेते नबा दास  यांच्यावर पोलिस अधिकाऱ्याने गोळीबार केल्याने खळबळ उडाली आहे. पश्चिम ओडिशातील झारसुगुडा जिल्ह्यात आज ब्रजराजनगरमध्ये दिवसाढवळ्या  एका सहाय्यक उपनिरीक्षकाने नबा दास यांच्यावर गोळीबार केल्याने गंभीर जखमी झाले आहेत. 

60 वर्षीय दास हे एका कार्यक्रमात सहभागी होण्यासाठी गांधी चौकात आपल्या कारमधून उतरत असताना सहाय्यक पोलीस उपनिरीक्षक गोपाल दास यांनी त्याच्यावर पॉइंट ब्लँक रेंजमधून गोळीबार केला. या हल्ल्यात ते गंभीर जखमी झाले. दरम्यान, या घटनेनंतर उपविभागीय पोलिस अधिकारी गुप्तेश्वर भोई यांनी सांगितले की, नबा दास यांच्या छातीवर डाव्या बाजूला गोळ्या लागल्या आहेत. एएसआयच्या रिव्हॉल्व्हरमधून काही गोळ्या लागल्याने शेजारी असलेला एक पोलिस कर्मचारी जखमी झाला आहे. एएसआयने मंत्र्यांवर गोळीबार का केला? हे जाणून घेण्यासाठी आम्ही एएसआयची चौकशी करत असल्याचेही  भोई यांनी सांगितले.