
सिंधुदुर्ग : जिजाऊ संस्थेच्यावतीने ५ लाख वह्यांचे सिंधुदुर्ग जिल्ह्यात केलं जाणार असून उद्यापासून याचा प्रारंभ केला जाणार आहे. संस्थेचे संस्थापक अध्यक्ष निलेश सांबरे यांच्या माध्यमातून गेली अनेक वर्षे हा उपक्रम राबविण्यात येत आहे.
जेष्ठ समाजसेवक आणि जिजाऊ सामाजिक व शैक्षणिक संस्थेचे संस्थापक अध्यक्ष निलेश सांबरे यांच्या माध्यमातून कोकणातील पाचही जिल्ह्यात मोफत उपचार देणारी तीन अद्ययावत रुग्णालये, सिबीएसी,शाळा, स्पर्धा परिक्षा वाचनालये, पोलीस भरती पूर्व प्रशिक्षण केंद्र, संगणक प्रशिक्षण केंद्र, चाळीसहून जास्त रुगणवाहिका, महिलांसाठी रोजगाराभिमुख प्रशिक्षण केंद्र हे सर्व उपक्रम मोफत असून सातत्याने गेली पंचवीस वर्षाहून जास्त काळ निलेश सांबरे हजारो गरजून मदतीचा हात देत आहेत.
पदरमोड करून समाजासाठी अविरत अखंडपणे कार्यरत असलेल्या सांबरे साहेबांच्या माध्यमातून कोकणातील सर्व जिल्ह्यातील माध्यमिक शाळांसाठी तब्बल पस्तीस लाख मोफत वह्या वाटपाचा कार्यक्रम सुरू केलेला असून उद्यापासून सिंधुदुर्ग जिल्ह्यातील सर्व माध्यमिक शाळांना पाच लाख वह्या वाटप करण्यात येणार आहे.
यासाठी जिजाऊचे पदाधिकारी व कार्यकर्ते कामाला लागले असून जिजाऊ परिवाराचे सदस्य व सामाजिक कार्यकर्ते ॲड. नकुल पार्सेकर यांच्या मार्गदर्शना खाली सुदर्शन पाटील, वैभव मसणे, ओकांर तिवरेकर, ज्ञानेश्वर निवरेकर आदी कार्यकर्ते यासाठी कार्यरत आहेत.
ताजी बातमी
View all




संबंधित बातम्या
View all








