LIVE UPDATES

Omkar Elephant : सावंतवाडी, वेंगुर्ल्यात धुमाकूळ घातल्यानंतर ओंकार हत्ती पुन्हा दोडामार्गात

आडाळी ग्रामस्थांमध्ये भीतीचे वातावरण
Edited by: कोकणसाद LIVE NEWS नेटवर्क
Published on: November 21, 2026 09:07 PM
views 265  views

दोडामार्ग : गेले अनेक महिने दोडामार्ग तालुक्यातून सावंतवाडी, वेंगुर्ला परिसरात गेलेला ओंकार हत्ती पुन्हा आज शनिवारी सायंकाळी दोडामार्ग आडाळी गावात दाखल झाला असून आडाळी व पंचक्रोशीतील ग्रामस्थांमध्ये भीतीचे वातावरण निर्माण झाले. 

सावंतवाडी तालुक्यातील अनेक गावात तसेच वेंगुर्ला परिसरात अनेक गावात शेतीचे तसेच वाहनांची मोठे नुकसान करून ओंकार हत्ती आज शनिवारी सायंकाळी पुन्हा दोडामार्ग तालुक्यातील आडाळी कोसमवाडी येथे हजर झाला. दोडामार्ग, बांदा, आडाळी कोसमवाडी मार्गवरून वस्तीच्या ठिकाणी गेल्याने स्थानिक ग्रामस्थांत भीतीचे वातावरण निर्माण झाले. यावेळी दोडामार्ग वनविभाग टीम घटनास्थळी दाखल होती.