
सिंधुदुर्ग : कोकण रेल्वेच्या प्रवाशांसाठी एक आनंदाची बातमी आहे. कुडाळ आणि सिंधुदुर्गनगरी रेल्वे स्थानकांवर नव्याने उभारण्यात आलेल्या वातानुकूलित कक्षांचे शुक्रवारी २० नोव्हेंबर रोजी लोकार्पण करण्यात येणार आहे. आमदार निलेश राणे यांच्या पुढाकारातून या लोकार्पण सोहळ्याचे आयोजन करण्यात आले आहे.
सकाळी १० वाजता कुडाळ रेल्वे स्थानकावर, तर ११ वाजता सिंधुदुर्गनगरी रेल्वे स्थानकावर हा कार्यक्रम पार पडणार आहे. रेल्वे प्रवाशांना अधिक आरामदायी सुविधा उपलब्ध करून देण्याच्या दृष्टीने हा महत्त्वपूर्ण उपक्रम मानला जात आहे. या सोहळ्याला शिवसेनेचे पदाधिकारी, शिवसैनिक, कार्यकर्ते, हितचिंतक आणि नागरिकांनी मोठ्या संख्येने उपस्थित राहावे, असे आवाहन आमदार निलेश राणे यांच्या कार्यालयाच्या वतीने करण्यात आले आहे. सिंधुदुर्गातील रेल्वे प्रवाशांसाठी या नव्या सुविधेचा फायदा होणार आहे.
ताजी बातमी
View all




संबंधित बातम्या
View all








