देवगड : देवगड-तारामुंबरी रोड येथील राधाकृष्ण रिट्रीट येथे रविवार, २५ ऑक्टोबर रोजी सकाळी ९ वाजता भव्य रक्तदान शिबिराचे आयोजन करण्यात आले आहे. रक्तकेंद्र, जिल्हा रुग्णालय सिंधुदुर्ग यांच्या आयोजनाखाली फ्रेंडस् सर्कल देवगड सडा, गुजराती नवरात्र मंडळ देवगड आणि सिंधु रक्तमित्र शाखा देवगड यांच्या संयुक्त विद्यमाने हे शिबिर आयोजित करण्यात आले आहे.

रक्तदान हे सामाजिक बांधिलकीचे कार्य असून, गरजू रुग्णांना रक्त उपलब्ध होण्यासाठी नागरिकांनी या शिबिरात उत्स्फूर्तपणे सहभागी व्हावे, असे आवाहन आयोजकांच्या वतीने करण्यात आले आहे. अधिक माहितीसाठी राजेश तारी यांच्याशी संपर्क साधावा.