सावंतवाडी : प्राथमिक आरोग्य केंद्र आंबोली येथे सर्वंकष प्राथमिक आरोग्य सेवा प्रशिक्षण कार्यक्रमाचे आयोजन दिनांक २२ ऑक्टोबर ते २३ ऑक्टोबर रोजी  करण्यात आले होते . यावेळी जिल्हा प्रशिक्षण केंद्र सिंधुदुर्ग येथील वैद्यकीय अधिकारी , आरोग्य सहाय्यक,  सी . पी .एच .सी  मास्टर ट्रेनर उपस्थित होते . या कार्यक्रमादरम्यान उपस्थित कर्मचाऱ्यांना प्राथमिक आरोग्य सेवा प्रशिक्षण देण्यात आले.

यावेळी आंबोली आरोग्य केंद्र , बांदा, निरवडे येथील आशा स्वयंसेविका , आरोग्यसेवक , समुदाय आरोग्य अधिकारी, गतप्रवर्तक आणि १० मास्टर ट्रेनर उपस्थित होते . तसेच  वैद्यकीय अधिकारी डॉ. प्रदीप पोतदार ,डॉ वैभव पाटील ,शंकर परब ,आरोग्य सहाय्यक शिरोमणी साळुंके आदी उपस्थित होते . सदर प्रशिक्षण डॉ रमेश कर्तस्कर यांच्या मार्गदर्शनाखाली करण्यात आले .