वैभववाडी :  क्रीडा व युवक सेवा संचालनालय, महाराष्ट्र राज्य, पुणे तसेच जिल्हा क्रीडा अधिकारी कार्यालय व जिल्हा क्रीडा परिषद, सिंधुदुर्ग यांच्या संयुक्त विद्यमाने आयोजित तालुकास्तरीय शालेय क्रीडा स्पर्धेत अर्जुन रावराणे विद्यालयाच्या १४ वर्षांखालील मुलांच्या कबड्डी संघाने दमदार कामगिरी करत विजेतेपद पटकावले.जिल्हास्तरीय कबड्डी स्पर्धेत हा संघ तालुक्याचे प्रतिनिधित्व करणार आहे.

 तालुकास्तरीय पावसाळी क्रिडा स्पर्धा नुकत्याच संपन्न झाल्या.यामध्ये १४वर्षीय वयोगटात अ.रा.विरालयाच्या विद्यार्थ्यांनी चमकदार कामगिरी केली.अंतिम सामन्यात अर्जुन रावराणे विद्यालयाच्या संघाने कोळपे उर्दू हायस्कूलच्या संघावर मात करत विजेतेपदाला गवसणी घातली. या विजयामुळे विद्यालयाचा संघ आगामी जिल्हास्तरीय कबड्डी स्पर्धेत  तालुक्याचे प्रतिनिधित्व करणार आहे.

संघाच्या या उल्लेखनीय कामगिरीबद्दल संस्थेचे कार्याध्यक्ष जयेंद्र रावराणे, मुख्याध्यापक बी. एस. नादकर, शिक्षक व शिक्षकेतर कर्मचाऱ्यांनी खेळाडूंचे अभिनंदन केले.छ जिल्हास्तरीय स्पर्धेसाठी संघाला शुभेच्छा दिल्या.संघाच्या यशात क्रीडा शिक्षक संदेश तुळसणकर, आर. बी.चौगुले यांच मोलाचं सहकार्य लाभले.