सिंधुदुर्ग : महाराष्ट्र राज्याचे उद्योगमंत्री उदय सामंत, माजी शालेय शिक्षण मंत्री तथा आमदार दीपक केसरकर आणि कुडाळ-मालवणचे आमदार निलेश राणे यांचे आज सावंतवाडीत आगमन झाले. यावेळी शिवसेनेचे सावंतवाडी विधानसभा प्रमुख संजू परब यांच्या निवासस्थानी उद्योगमंत्री उदय सामंत यांनी सदिच्छा भेट दिली. याप्रसंगी आमदार दीपक केसरकर यांच्यासह अन्य पदाधिकारी उपस्थित होते.

दरम्यान, दैनिक कोकणसादच्या दिवाळी अंकाच्या प्रकाशन सोहळ्यासाठी उद्योगमंत्री उदय सामंत सावंतवाडीत आले आहेत. सावंतवाडी येथील कोकणसाद स्टुडिओमध्ये थोड्याच वेळात त्यांच्या हस्ते या दिवाळी अंकाचे प्रकाशन होणार आहे. या प्रकाशन सोहळ्याकडे कोकणसादच्या वाचकांसह पत्रकारिता क्षेत्रातील मान्यवरांचे लक्ष लागले आहे.